დღეს საქართველოს შეიარაღებული ძალების დღე აღინიშნება, რასაც აშშ-ს ევროპული სარდლობა “ტვიტერის“ ოფიციალურ გვერდზე ეხმაურება.
“ჩვენ მივესალმებით საქართველოს თავდაცვის ძალების ერთგულებას და წვლილს დემოკრატიული ღირებულებების დაცვაში”, - აღნიშნულია ტვიტში.
ინფორმაციისთვის, საქართველოს თავდაცვის ძალები 32 წლისაა. იუბილესთან დაკავშირებით, ვაზიანში, მე-4 ქვეითი ბრიგადის სამწყობრო მოედანზე საზეიმო ღონისძიება ტარდება.
