პაპმა ფრანცისკემ უნგრელებს მოუწოდა არ დაკეტონ კარი მიგრანტებისთვისა და მათთვის, ვინც "უცხოა ან ჩვენ არ გვგავს“. ამის შესახებ კათოლიკე ეკლესიის მეთაურმა უნგრეთში განაცხადა, რომელსაც სამდღიანი ვიზიტით სტუმრობს.

„რა სევდიანი და მტკივნეულია დახურული კარის ხილვა”, - აღნიშნა პონტიფექსმა საკვირაო ქადაგებაში.

ვატიკანის ცნობით, ბუდაპეშტის ცენტრში, ღია ცის ქვეშ დღეს გამართულ წირვას დაახლოებით 50,000 ადამიანი დაესწრო.

როგორც დასავლური მედია იუწყება, პაპის მიერ აღვლენილ ღვთისმსახურებას ესწრებოდნენ უნგრეთის მემარჯვენე, პოპულისტი პრემიერ-მინისტრი ვიქტორ ორბანი და ქვეყნის პრეზიდენტი კატალინ ნოვაკი.