რესპუბლიკის მოედანზე აქცია სლოგანით “მოვდივარ” დასრულდა.

მოძრაობა „აი უცნობის“ ორგანიზებით გამართული აქციის მონაწილეები აცხადებდნენ, რომ შეკრების მიზანი ქვეყნის სამშვიდობო პოლიტიკის მხარდაჭერაა.

მათ ხელისუფლებას რამდენიმე მოთხოვნა წაუყენეს, მათ შორის აქციის ორგანიზატორების ერთ-ერთი მოთხოვნა “ნაციონალური მოძრაობის” მმართველობის პერიოდისთვის შესაბამისი პოლიტიკური შეფასების მიცემაა. ასევე, მათი ერთ-ერთი მოთხოვნაა, საქართველოში ლგბტ პროპაგანდის აკრძალვა.

გარდა ამისა, აქციის ორგანიზატორების სამომავლო გეგმაა, შექმნან ორი საინიციატივო ჯგუფი, საიდანაც ერთი "დიპლომატიურ კორპუსს ქართველი საზოგადოების აზრი მიაწოდონ", მეორე ჯგუფი კი იმუშავებს იდეებისა და კანონების შემუშავებაზე, რასაც ხელისუფლებას მიაწოდებენ.

ორგანიზატორების თქმით, შეკრება არ იქნება ერთჯერადი და მომავალშიც გაგრძელდება.

რესპუბლიკის მოედანზე შეკრებილ საზოგადოებას სიტყვით აქციის ორგანიზატორებმა მიმართეს.

აქციის დაწყებამდე შეკრების მონაწილეებმა ადგილზე სპეციალურად დამონტაჟებული მონიტორებიდან საფეხბურთო კლუბ "ნაპოლის" თამაშს უყურეს.