„მშენებლობა განვადებით“ პროგრამის ფარგლებში, წყალტუბოსა და 3 სოფლის წყალმომარაგების სისტემის რეაბილიტაციის პროექტირება - მშენებლობა იწყება

,,მშენებლობა განვადებით'' პროგრამის ფარგლებში, წყალტუბოსა და 3 სოფლის წყალმომარაგების სისტემის რეაბილიტაციის პროექტირება - მშენებლობა იწყება.

კერძოდ, საქართველოს გაერთიანებული წყალმომარაგების კომპანიის ცნობით, საქართველოს პრემიერ-მინისტრის ინიციატივით დაწყებული სახელმწიფო პროგრამის ,,მშენებლობა განვადებით“ ფარგლებში, რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია, ქალაქ წყალტუბოსა და სოფლების: გუმბრას, თერნალისა და გვიშტიბის წყალმომარაგების სისტემის რეაბილიტაციის პროექტირება - მშენებლობას იწყებს.

„შესაბამის ხელშეკრულებას ხელი წყალმომარაგების კომპანიის დირექტორის მოადგილემ, ნინო ნაროზაშვილმა და ტენდერში გამარჯვებული კომპანია

შპს „მშენებელი 80“-ის დირექტორმა, ვალერი ბუცხრიკიძემ მოაწერეს.

სამუშაოების ფარგლებში სამი სოფლის წყალმომარაგებისთვის გათვალისწინებულია: წყალმომარაგების ახალი ქსელების, მაგისტრალური მილისა და სატუმბი სადგურის მოწყობა. დამატებით, რეაბილიტირდება არსებული რეზერვუარები. ქალაქ წყალტუბოში კი მრავალბინიანი საცხოვრებელი კორპუსებისთვის წყალმომარაგების შიდა და გარე გამანაწილებელი ქსელი მოეწყობა.

პროექტის შედეგად, წყალტუბოს მუნიციპალიტეტის სოფლების: გუმბრას, თერნალისა და გვიშტიბის მოსახლეობა 24-საათიანი, ხარისხიანი წყალმომარაგებით შეძლებს სარგებლობას.

პროექტით გათვალისწინებულ სამუშაოებს სახელმწიფო ბიუჯეტიდან 33 მლნ ლარზე მეტი მოხმარდება“,- აღნიშნულია ინფორმაციაში.

პაატა ზაქარეიშვილი - ჟენევის ფორმატი შეიქმნა რუსეთ-საქართველოს ომის შემდეგ და მას არანაირი კავშირი არ აქვს სოხუმთან და ცხინვალთან, რადგან ლავროვი ამას სოხუმის ხელით აკეთებს, ეს უფრო არის პიარი, პროპაგანდა და დემაგოგია
ქართული პრესის მიმოხილვა 29.02.2024
საქართველოს უნივერსიტეტმა 100 000-ლარიანი ფონდის გამარჯვებული პირველკურსელები გამოავლინა
ბერლინის ფილარმონიული ორკესტრის ევროპაკონცერტი წინანდალში
საერთაშორისოდ ცნობილი ბრენდები ევროპროდუქტში