აქონდროპლაზიით დიაგნოზის მქონე ბავშვების მშობლები მთავრობის ადმინისტრაციასთან პროტესტს არ წყვეტენ.

როგორც ერთ-ერთმა მშობელმა, სალომე გაბელაშვილმა განაცხადა, ისინი პრემიერ-მინისტრისგან სამართლებრივ აქტზე ხელის მოწერას ითხოვენ, რითაც დადასტურდება, რომ 1 -ელ სექტემბერს მედიკამენტ „ვოსორიდიტით” აქონდროპლაზიით დავადების მქონე ბავშვები მკურნალობას დაიწყებენ.

“ყველა მშობელი დაძაბული და განადგურებული ვართ, რადგან ისინი [მთავრობა] კონკრეტულ თარიღს ვერ ასახელებენ, იმას ნიშნავს, რომ პროცესი დროში კიდევ გაიწელება. მშობლები ისევ იმ წრეზე დავბრუნდებით, რაზეც 16 თვის წინ ვიყავით. ის, რომ იშვიათი დაავადების საბჭო დაჩქარებულად მუშაობს და პროტოკოლი იქმნება, ნიშნავს იმას, რომ მაისის ბოლოს პროტოკოლი შეიქმნება. ჯანდაცვის სამინისტროს მხრიდან თარიღის დასახელებაც პრობლემას არ წარმოადგენს. რადგან მათ პრემიერ-მინისტრი ეუბნებათ, რომ ფინანსები არის, ამიტომ მშობლების ერთადერთი მოთხოვნა არის სამართლებრივი აქტი, რომელიც შექმნილია და მასზე ხელი პრემიერმა უნდა მოგვიწეროს. აქტში წერია, რომ 1-ელ სექტემბრამდე მათ აქვთ ვადა, რომ მუშა პროცესი წარმატებით წარმართონ. სწორედ, საკამარისი დრო არის იმისთვის, რომ მედიკამენტი ჩვენს ქვეყანაში შემოიტანონ და ბავშვებმა მკურნალობა დაიწყონ. დედები პროტესტს მანამდე არ შევწყვეტთ, სანამ აქტს ხელი არ მოეწერება”, - განაცხადა სალომე გაბელაშვილმა.