CIU-ში პროექტ „ბიზნეს ინკუბატორის“ ახალი ხელმძღვანელი წარადგინეს

1 მაისს კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტზე პროექტ „ბიზნეს ინკუბატორის“ ახალი ხელმძღვანელი წარადგინეს. ამის შესახებ ინფორმაციას კავკასიის საერთაშორისო უნივერსიტეტი ავრცელებს.

მათივე ცნობით, საერთაშორისო კომპანია Store Next Georgia-ს გენერალური დირექტორი, FMCG საცალო ვაჭრობისა და კომერციული ექსპერტი ია ნადირაშვილი, „ბიზნეს ინკუბატორის“ ხელმძღვანელად, CIU-ს ბიზნესისა და ტექნოლოგიების ფაკულტეტის დეკანმა, მარიკა კლდიაშვილმა და ფაკულტეტის სტრატეგიული პროექტების ხელმძღვანელმა, ნანა გადელიამ წარადგინეს და მას სამომავლო საქმიანობაში წარმატება უსურვეს.

პროექტის ახალმა ხელმძღვანელმა „ბიზნეს ინკუბატორის“ პროექტის მნიშვნელობაზე ისაუბრა და დამსწრე აუდიტორიას პროექტის განვითარების ხედვა გააცნო. როგორც ია ნადირაშვილმა აღნიშნა, პროექტის მიზანია მიღებული ცოდნის პრაქტიკაში გამოყენება, სამეწარმეო ცნობიერების ამაღლება და სრული ინკუბაციის პროცესის გავლა. „პრაქტიკა ცოდნის გარეშე ილუზიაა - ცოდნა პრაქტიკის გარეშე - ქაოსი“ - აღინიშნა ია ნადირაშვილმა.

ია ნადირაშვილის თქმით, პროექტის ერთ-ერთი მთავარი მიზანია, იდეის გარდაქმნა, ორგანიზაციის ოპერირების ისეთ ბიზნეს მოდელში, რომელიც ქმნის ღირებულ პროდუქტს, აქვს მოთხოვნა და ჰყავს შესაბამისი მყიდველი.

„თუ ინვესტიციის მიღება გინდათ, უჩვენეთ, რომ შეგიძლიათ ბიზნესის აწყობა. შექმენით რაიმე მნიშვნელოვანი, რაიმე ახალი, ფულის გამო კი არა, სამყაროს უკეთესობისკენ შესაცვლელად“ - ეს სიტყვები ბიზნესმენსა და ინვესტორს, არტურ როკს ეკუთვნის, ია ნადარეიშვილმა კი აუდიტორიას აღნიშნული მიდგომის შესახებ ესაუბრა და მისი პრაქტიკაში განხორციელების გზებზე გაამახვილა ყურადღება.

„მეწარმეობა იწყება მტკიცე გულით, რომელიც აძლიერებს მის შთაგონებას, შინაგან ვნებასა და აზროვნებას, რადგან, პრაქტიკულად, შეუძლებელია კომპანიის შექმნის საწყის ეტაპზე გქონდეს ზუსტად აწყობილი ბიზნეს მოდელი.“ - აღინიშნა ია ნადირაშვილმა.

ია ნადარეიშვილმა ასევე ისაუბრა ტრიგერების, აზროვნების მოდელისა და წარმატებული ქართული სტარტაპების შესახებ.

ამავე დღეს აუდიტორიის წინაშე წარდგა წარმატებული ქართული კომპანია „გურულის“ დამფუძნებელი თეა გოგუაძე, რომელმაც კომპანიის დაარსების პერიპეტიები და მისი განვითარების გზა მიმოიხილა. აღსანიშნავია, რომ კომპანია „გურული“, რომელიც მუდმივ გაფართოებაზეა ორიენტირებული, მჭადის ფქვილს, ღერღილს და ორი ტიპის გურულ სუნელს აწარმოებს, რეალიზაციას კი მთელი ქვეყნის მასშტაბით ახორციელებს, სამომავლოდ კი უცხოეთის ბაზრის ათვისებასაც გეგმავს.

ცნობისთვის, კავკასიის საერთაშორისო უნივერსიტეტის „ბიზნეს ინკუბატორის“ პროექტის ფარგლებში, ბიზნეს ინკუბაციის პროცესი ოთხი ეტაპისგან შედგება: ინკუბაციის გუნდების შერჩევა; მენტორის მხარდაჭერით პროცესის წარმართვა ან პირველადი პროდუქციის დამზადება; ბიზნეს მოდელის / გეგმის ჩამოყალიბება; სადემონსტრაციო დღე / გუნდების დაჯილდოება.

ბიზნეს ინკუბატორზე ინდივიდუალური რეგისტრაციისთვის ეწვიეთ ბმულს: https://forms.gle/m7ShbiHcrGsgqbEL8

დამატებითი ინფორმაციისთვის, გთხოვთ, დაუკავშირდეთ ბიზნესისა და ტექნოლოგიების ფაკულტეტის სტრატეგიული პროექტების ხელმძღვანელს, ნანა გადელიას.

E-mail: nana_gadelia@ciu.edu.ge

პროექტში ჩართვა კავკასიის საერთაშორისო უნივერსიტეტის ნებისმიერი ფაკულტეტისა და საფეხურის სტუდენტს შეუძლია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024