თამარ გაბუნია - „ვოსორიტიდს” არ აქვს ჯანმრთელობის მსოფლიო ორგანიზაციის აღიარება, თუმცა ეს ფაქტორი შესაძლებელია ექსპერტული დახმარებით დავძლიოთ და მედიკამენტს უფრო ადრე მივცეთ ქვეყანაში დანერგვის შესაძლებლობა

„ვოსორიტიდს” არ აქვს ჯანმრთელობის მსოფლიო ორგანიზაციის აღიარება, თუმცა ეს ფაქტორი შესაძლებელია ექსპერტული დახმარებით დავძლიოთ და მედიკამენტს უფრო ადრე მივცეთ ქვეყანაში დანერგვის შესაძლებლობა , - ამის შესახებ ჯანდაცვის მინისტრის მოადგილემ თამარ გაბუნიამ „პალიტრანიუსის“ გადაცემაში „360 გრადუსი“ განაცხადა.

გაბუნიას თქმით, პროცესი დაძრულია, რომ მედიკამენტზე, რომელიც ამ ეტაპზე იმედისმომცემ შედეგებს უჩვენებს, დადებითი გადაწყვეტილება იყოს მიღებული.

„კვლევის ნეგატიური შედეგები თუ გამოჩნდა, ან რომელიმე ქვეყანამ აღმოაჩინა, რა თქმა უნდა, ასეთი მედიკამენტის გამოყენება არავის მოუნდება. მე, მაინც უფრო ოპტიმისტურ სცენარზე ვიფიქრებდი. ევროკავშირის ქვეყნები ამ მედიკამენტის გამოყენებას აფართოებენ და ესეც მიმდინარე პროცესია. ჩვენ ევროპის იმ ქვეყნებთან გვაქვს კომუნიკაცია, სადაც ეს მედიკამენტი გამოიყენება და ჩვენს კოლეგებს მედიკამენტის შედების გაზიარება ვთხოვეთ. ამას აუცილებლად დავაკვირდებით. დღეს შემიძლია გითხრათ, რომ პროცესი დაძრულია იმ მიმართულებით, რომ მედიკამენტი, რომელიც ამ ეტაპზე იმედის მომცემ შედეგებს უჩვენებს, რაც საინტერესო ეფექტია, აქედან გამომდინარე, გადაწყვეტილება მიდის იქითკენ, რომ დადებითი გადაწყვეტილება იყოს.

ამ მედიკამენტს არ აქვს ჯანმრთელობის მსოფლიო ორგანიზაციის აღიარება, თუმცა ეს ფაქტორი შესაძლებელია ექსპერტული დახმარებით დავძლიოთ და მედიკამენტს უფრო ადრე მივცეთ ქვეყანაში დანერგვის შესაძლებლობა, ვიდრე ჯანმრთელობის მსოფლიო ორგანიზაცია ამ რეკომენდაციას გასცემს. ევროკავშირის 27 ქვეყნიდან 7 ქვეყანაა, რომელიც მედიკამენტს ამ ეტაპზე იყენებს. დანარჩენი 20 ქვეყანა ჩვენს პოზიციაზე. ამერიკის წამლის სააგენტოს ავტორიზაცია არის დაჩქარებული წესით ავტორიზაცია, რომელიც ნიშნავს იმას, რომ მედიკამენტს სრული კვლევებისთვის განკუთვნილი სრული ციკლი არ გაუვლია, ამიტომ გამოყენების პროცესს სჭირდება დაკვირვება, გვერდითი მოვლენების მონიტორინგი, გრძელვადიანი შედეგების შეფასება და ა.შ. ეს პროცესი სისტემატიზირებული სახით უნდა გავმართოთ და იქამდე უნდა მივიდეთ, რომ მედიკამენტი, რომელიც დღეს არის და რამდენიმე ქვეყანა იყენებს, იყოს ჩვენი ბავშვებისთვისაც ხელმისაწვდომი“, - განაცხადა გაბუნიამ.

მინისტრის მოადგილის განცხადებით, Biomarin-თან კომუნიკაცია „ვოსორიტიდზე” მიმდინარეობს და სხვა მედიკამენტი არ განიხილება.

„აქონდროპლაზიისთვის რეკომენდებული და ლიცენზირებული ერთადერთი მედიკამენტი, რომელიც სიმაღლის ზრდას უწყობს ხელს, არის „ვოსორიტიდი“, სხვა მედიკამენტი ამ მიზნებისთვის რეკომენდებული დღეს ცნობილი არ არის. ასე, რომ Biomarin-თან „ვოსორიდიტზეა“ საუბარი. Biomarin-თან კომუნიკაცია „ვოსორიდიტზე” მიმდინარეობს, სხვა მედიკამენტი არ განიხილება“, - განაცხადა გაბუნიამ.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)