უკრაინაში აცხადებენ, რომ არ აქვთ ინფორმაცია რუსეთთან კონფლიქტის მოგვარების მიზნით შექმნილი სამშვიდობო მისიის შესახებ, რომელშიც ვატიკანია ჩართული.

"პრეზიდენტი ზელენსკი რაიმე მსგავს დისკუსიას უკრაინის სახელით არ დასთანხმებია. თუკი მოლაპარაკებები მიმდინარეობს, ისინი ჩვენი ინფორმირებულობის და ლოცვა-კურთხევის გარეშე მიმდინარეობს“, - განუცხადა CNN-ს პრეზიდენტის ოფისთან დაახლოებულმა უკრაინელმა ოფიციალურმა პირმა.

რომის პაპმა ფრანცისკემ კვირას ჟურნალისტებს განუცხადა, რომ ვატიკანი ჩართულია უკრაინაში ომის დასრულების მიზნით შექმნილ მისიაში. ”მისია მიმდინარეობს, მაგრამ ჯერ არ არის საჯარო”, - აღნიშნა პაპმა.