„საქართველოს ბანკის“ მხარდაჭერით, 5-7 მაისს ციფრული თამაშების ჰაკათონი „Game Jam Georgia” გაიმართება

საქართველოს ბანკი, როგორც ტექნოლოგიური ბანკი, აქტიურად განაგრძობს ინოვაციური ინიციატივების მხარდაჭერას და ახალგაზრდებისთვის ახალი შესაძლებლობების შექმნას. სწორედ ამ მიზნით, წელს საქართველოს ბანკის sCool და Student Card-ი სტარტაპ ბიუროს მიერ ორგანიზებული ყველაზე მასშტაბური ციფრული თამაშების ჰაკათონის „Game Jam Georgia-ს“ მთავარი პარტნიორია. ამის შესახებ ინფორმაციას საქართველოს ბანკი ავრცელებს.

მათივე ცნობით, „Game Jam Georgia“ კომპიუტერული თამაშების დეველოპმენტით, დიზაინითა და ხმის დიზაინით დაინტერესებული ახალგაზრდებისთვის შექმნილი პროექტია, რომელიც საქართველოში 5-7 მაისს გაიმართება.

ჰაკათონის ფარგლებში, მონაწილე გუნდები იმუშავებენ გამოცდილ გეიმ დეველოპერებთან, გეიმ დიზაინერებთან და ხმის დიზაინერებთან ერთად, რათა ერთი თემის გარშემო შექმნან თამაშები, რომლებსაც ჟიურის წევრებს წარუდგენენ. საუკეთესო პროექტის ავტორები ფულადი პრიზებით დაჯილდოვდებიან - პირველი ადგილის მფლობელს 2000 ლარი, ხოლო მეორე ადგილის მფლობელს კი 1000 ლარი გადაეცემა.

ამასთან, მონაწილეებს შესაძლებლობა ექნებათ, მოუსმინონ გეიმინგ დეველოპმენტის სხვადასხვა მიმართულების ექსპერტებს, რომლებიც მათ საკუთარ ცოდნას, გამოცდილებასა და შთაგონებას გაუზიარებენ.

„ტექნოლოგიები ყოველდღიური ცხოვრების განუყოფელი ნაწილია, თამაშების დეველოპმენტი კი - მუდმივად მზარდი და განვითარებადი სფერო, რომელიც ბაზარზე სულ უფრო და უფრო მეტად მოთხოვნადი ხდება. საქართველოს ბანკი, როგორც მაღალი კორპორაციული სოციალური პასუხისმგებლობის მქონე კომპანია, მიზნად ისახავს, ხელი შეუწყოს ახალგაზრდებში მომავლის პროფესიებისათვის საჭირო უნარების განვითარებას და მათი ახალი შესაძლებლობებით უზრუნველყოფას. სწორედ ამიტომ, ჩვენი გუნდი მრავალ საგანმანათლებლო და ახალგაზრდების განვითარებაზე ორიენტირებულ პროექტს უჭერს მხარს. ერთ-ერთი მათგანი კი „Game Jam Georgia” არის. მიგვაჩნია, რომ აღნიშნული ჰაკათონი წარმოადგენს შესაძლებლობას, ხელი შევუწყოთ საქართველოში უფრო ძლიერი გეიმინგ დეველოპმენტის ქსელის ჩამოყალიბებას და ახალგაზრდების ამ სფეროთი დაინტერესებას“, - აღნიშნავენ საქართველოს ბანკში.

ჰაკათონის შესახებ დეტალური ინფორმაციის მისაღებად გადადით ბმულზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი