„საქართველოს ბიზნეს ასოციაციის“ პრეზიდენტმა IMF-ის მისიას ბიზნესში არსებული განწყობები და მოლოდინები გააცნო

საქართველოს ბიზნეს ასოციაციის“ პრეზიდენტი სოსო ფხაკაძე და ასოციაციის აღმასრულებელი გუნდი, „საერთაშორისო სავალუტო ფონდის“ (IMF) მისიის ხელმძღვანელს ჯეიმს ჯონსს და მისიის შემადგენლობაში მყოფ პირებს შეხვდნენ და ქვეყანაში არსებული ბიზნესგარემო, ბიზნესის განწყობები და მოლოდინები გააცნეს.

ამის შესახებ ინფორმაციას საქართველოს ბიზნეს ასოციაცია“ ავრცელებს.

მათივე ცნობით, შეხვედრის ფარგლებში, საუბარი ასევე შეეხო ტურიზმისა და ენერგეტიკის სექტორებში მიმდინარე აქტუალურ საკითხებს, რომელიც, თავის მხრივ, BAG-ის წევრი კომპანიების ინტერესს წარმოადგენს.

აღსანიშნავია, რომ ასოციაციის პრეზიდენტმა მისიის წარმომადგენლებს BAG ინდექსის კვლევის პირველი კვარტლის შედეგები გააცნო, სადაც საუბარია ბიზნესის მოლოდინებსა და განწყობებზე, დასაქმებაზე და საინვესტიციო კლიმატზე.

„ვაგრძელებთ შეხვედრებს საერთაშორისო სავალუტო ფონდის (IMF) მისიის წარმომადგენლებთან. ჩვენთვის ძალიან მნიშვნელოვანია, რომ IMF-ის მისია აქტიურ კომუნიკაციაშია BAG-თან და ვაგრძელებთ თანამშრომლობას ინფორმაციის გაცვლის მიზნით, რადგან მისიისთვის მნიშვნელოვანია მოისმინოს ბიზნესის მოსაზრებები, ვიდრე მოხდება საქართველოში მიმდინარე რეფორმებთან დაკავშირებით,

შესაბამისი რეკომენდაციების შემუშავება. შეხვედრის ფარგლებში, განვიხილეთ ქვეყანაში არსებული ბიზნესგარემო, ბიზნესის განწყობები და შესაბამისად მოლოდინები. მიგვაჩნია, რომ უცხოელ პარტნიორებთან ეფექტიანი და კოორდინირებული მუშაობა ორივე მხარისთვის ფასეული და სასარგებლოა“, - განაცხადა „საქართველოს ბიზნეს ასოციაციის“ პრეზიდენტმა სოსო ფხაკაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს