მიხეილ დაუშვილი - გჭირდებათ პოლიტიკური კორუფცია იმისთვის, რომ დააფინანსოთ არჩევნები და შეინარჩუნოთ ძალაუფლება  - სერიოზული შანსი გქონდათ, ანტიკორუფციული მიმართულებით სიღრმისეული რეფორმა გაგვეტარებინა, მაგრამ ეს შანსი არ გამოიყენეთ

თქვენ სერიოზული შანსი გქონდათ, რომ ანტიკორუფციული მიმართულებით სიღრმისეული რეფორმა ერთობლივად გაგვეტარებინა, მაგრამ ეს შანსი არ გამოიყენეთ. გჭირდებათ პოლიტიკური კორუფცია იმისთვის, რომ დააფინანსოთ არჩევნები და ძალაუფლება შეინარჩუნოთ, - ამის შესახებ პარტია „საქართველოს“ წევრმა მიხეილ დაუშვილმა პარლამენტის პლენარულ სხდომაზე განაცხადა, რითაც „ქართულ ოცნებას“ მიმართა.

დღეს კი, დაუშვილის შეფასებით, ქვეყანაში მთავარი გამოწვევა პოლიტიკური კორუფცია და ნეპოტიზმია, რაც ერთმანეთზე სრულად არის გადაჯაჭვული და ქვეყნის განვითარებას ხელს უშლის.

როგორც ოპოზიციონერი პოლიტიკოსი ამბობს, რეალურად სახელმწიფო ინსტიტუტების გამოყენება პოლიტიკური კორუფციის მიზნებით ხდება და ამის საბოლოო ამოცანა „შავი ფულით“ არჩევნების დაფინანსებაა.

დეპუტატის თქმით, ამ კორუფციას ზოგიერთ შემთხვევაში მივყავართ უდიდეს ტრაგედიებამდე, როგორიც არის მაგალითად, ვაკის პარკის ტრაგედია.

„ორი ძირითადი რამის გეშინიათ - პირველი იმის, რომ საგამოძიებო კომისიის მუშაობის შედეგად საზოგადოებისთვის ცნობილი გახდება ის კორუფციული ფაქტები, რომლებიც სასამართლო სისტემაში არსებობს. მეორე - გეშინიათ იმის, რომ სასამართლო სისტემაში მაღალი ალბათობით კონკრეტული გავლენის ჯგუფს შესრულებული აქვს კონკრეტული დავალებები თქვენი პარტიული მიზნებიდან და ინტერესებიდან გამომდინარე. სწორედ ეს არის ძირითადი მიზანი, რის გამოც, თქვენ ყველაფერს აკეთებთ იმისთვის, რომ ხელი შეუშალოთ საგამოძიებო კომისიის შექმნას და აქაც ერთ-ერთი მთავარი მიზეზი კორუფციაა. კორუფციასთან ბრძოლა იყო და არის 12 პუნქტის ერთ-ერთი ყველაზე მნიშვნელოვანი ნაწილი. თქვენ სერიოზული შანსი გქონდათ, რომ ანტიკორუფციული მიმართულებით რეალური, სიღრმისეული რეფორმა ერთობლივად გაგვეტარებინა, შეგვექმნა ისეთი ანტიკორუფციული სააგენტო, რომელსაც ექნებოდა გამოძიების ფუნქცია, აღჭურვილი იქნებოდა ყველა იმ ფუნქციით, რაც საგამოძიებო ორგანოს უნდა ჰქონდეს, იქნებოდა დამოუკიდებელი და მიუკერძოებელი, მაგრამ თქვენ ეს შანსი არ გამოიყენეთ. გჭირდებათ პოლიტიკური კორუფცია იმისთვის, რომ დააფინანსოთ არჩევნები და ძალაუფლება შეინარჩუნოთ. კორუფციული ფაქტების გამოვლენის გამო, ასევე პარტიული ინტერესების შესახებ ფაქტების გამოვლენის გამო ხელს აფარებთ გირგვლიანის, მოლაშვილის მოსამართლეებს თქვენ [ამით] გეშინიათ იმ უამრავი კანონდარღვევის შესახებ ფაქტის გამოვლენის, რომელიც რეალურად სასამართლო სისტემაში არსებობს“, - განაცხადა დაუშვილმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ