საქართველოს პარლამენტის თავმჯდომარე შალვა პაპუაშვილი სოციალურ ქსელში ქუთაისელებს, ქუთაისის დღეს - გვირილობას ულოცავს.

როგორც პარლამენტის თავმჯდომარე წერს, გვირილობა ჭეშმარიტად სახალხო დღესასწაულია, რომელსაც დიდი ტრადიცია აქვს.

„ყველა ქუთაისელს ვულოცავ 2 მაისს, ქუთაისის დღეს - გვირილობას.

გვირილობა ულამაზესი და ჭეშმარიტად სახალხო დღესასწაულია, რომელსაც დიდი ტრადიცია აქვს. საუკუნის წინ, ყოველ ორ მაისს, გიმნაზიის მოსწავლეები ტუბერკულოზით დაავადებულთა დასახმარებლად აგროვებდნენ თანხას, ყველა შემომწირველს კი გვირილას ჩუქნიდნენ. დღესაც, საზოგადოებრივ სოლიდარობასა და სიკეთის კეთებას არანაკლებად დიდი მნიშვნელობა აქვს.

გილოცავთ ორმაისობას და სიკეთით სავსე ცხოვრებას გისურვებთ ყველას!” - წერს პარლამენტის თავმჯდომარე.