ნიკოლოზ სამხარაძე - საერთაშორისო სასამართლოს მიერ მიღებული გადაწყვეტილებით, რუსეთი დადასტურებულად არის ცნობილი როგორც ოკუპანტი

მე მინდა გითხრათ ჩვენო „სასიქადულო“ ოპონენტებო, რომ ამ „პრორუსულმა“ ხელისუფლებამ კიდევ ერთი გამარჯვება მოიპოვა სტრასბურგში ადამიანის უფლებათა ევროპულ სასამართლოში და კიდევ ერთხელ დაამარცხა რუსეთი. ხომ ვერ მეტყვით თქვენი ხელისუფლების დროს სად დავამარცხეთ რუსეთი, რომელ საერთაშორისო ასპარეზზე ან რომელ საერთაშორისო სასამართლოში“? – ამის შესახებ საგარეო ურთიერთობათა კომიტეტის თავმჯდომარე ნიკოლოზ სამხარაძემ პლენარულ სხდომაზე განაცხადა.

დეპუტატმა ყურადღება გაამახვილა სტრასბურგის სასამართლოს გადაწყვეტილებაზე და აღნიშნა, რომ რუსეთს დაეკისრა 129 მილიონის გადახდა 2008 წლის რუსეთ-საქართველოს ომის დროს დაზარალებულთათვის.

„საერთაშორისო სასამართლოს მიერ მიღებული გადაწყვეტილებით რუსეთი დადასტურებულად არის ცნობილი როგორც ოკუპანტი, არა მხოლოდ 2008 წლის ომის დროს და ომის შემდეგ, არამედ 2008 წლის ომამდეც, როდესაც ის ეფექტურად ახორციელებდა კონტროლს აფხაზეთის და ცხინვალის რეგიონზე“,- აღნიშნა ნიკოლოზ სამხარაძემ.

ნიკოლოზ სამხარაძემ ასევე ისაუბრა საპარლამენტო დელეგაციის ვიზიტებზე. მისი თქმით, საპარლამენტო დელეგაცია აქტიურად გააგრძელებს ვიზიტებს ევროკავშირის წევრ ქვეყნებში.

„პარლამენტის თავმჯდომარე იმყოფებოდა ჩეხეთში ევროკავშირის სპიკერების კონფერენციაზე და არაერთი შეხვედრა ჰქონდა თავის კოლეგებთან, სადაც ერთხმად ყველგან აღნიშნული იყო პროგრესი, რომელიც საქართველოს აქვს ევროპული ინტეგრაციის გზაზე. ასევე, მე მქონდა მნიშვნელოვანი ვიზიტები დანიაში და შვედეთში. აქაც ცალსახად იყო გამოთქმული მხარდაჭერა საქართველოს მიმართ. ეს ვიზიტები გაგრძელდება. ჩვენ წლის ბოლომდე ვეწვევით 27-ე დედაქალაქს“, - განაცხადა ნიკოლოზ სამხარაძე.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას