“ევროპის უნივერსიტეტი” სესამ-ის წევრი გახდა
„ევროპის უნივერსიტეტი“ სიმულაციების ჯანდაცვაში გამოყენების ევროპული საზოგადოების (SESAM) ინსტიტუციური წევრი გახდა. ამის შესახებ ინფორმაციას „ევროპის უნივერსიტეტი“ ავრცელებს.
მათი ცნობით, საზოგადოება ჯანდაცვის სფეროში სწავლებისა და პრაქტიკის კუთხით, ერთ-ერთ წამყვან ორგანიზაციას წარმოადგენს მსოფლიოში და მისი წევრი მსოფლიოს მრავალი წამყვანი უნივერსიტეტი და სამედიცინო დაწესებულებაა.
„საზოგადოების წევრობა "ევროპის უნივერსიტეტის" მედიცინის ფაკულტეტს საშუალებას მისცემს, სიმულაციური სწავლების სფეროში საუკეთესო პრაქტიკა გაიზიაროს და სხვადასხვა მნიშვნელოვან საკითხთან დაკავშირებით, საზოგადოების მრავალ წევრთან ითანამშრომლოს“, - ნათქვამია ინფორმაციაში.
