ტურიზმის ეროვნული ადმინისტრაცია დუბაიში წამყვანი საერთაშორისო კომპანიების წარმომადგენლებთან მოლაპარაკებებს მართავს

არაბთა გაერთიანებულ საამიროებში მიმდინარე ტურისტული გამოფენის „ATM Dubai 2023“ ფარგლებში, საქართველოს ტურიზმის ეროვნული ადმინისტრაციის ხელმძღვანელი მაია ომიაძე სპარსეთის ყურის ქვეყნების ტურისტული და ავიაკომპანიების, საერთაშორისო მედიისა და სამოგზაურო პლატფორმების წარმომადგენლებს შეხვდა.

ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათივე ცნობით, მაია ომიაძემ შეხვედრის მონაწილეებს საქართველოს ტურისტული პროდუქტები, ტურისტული მიმართულებები და ადმინისტრაციის საქმიანობა გააცნო, ასევე ინფორმაცია მიაწოდა საქართველოში ზაფხულის სეზონზე დაგეგმილი მასშტაბური ღონისძიებების, მათ შორის „Starring Georgia”-ს ფარგლებში ჩასატარებელი კონცერტების შესახებ, სადაც მსოფლიო დონის ვარსკვლავები მიიღებენ მონაწილეობას.

„ტურიზმის ეროვნული ადმინისტრაცია დუბაის საერთაშორისო ტურისტულ გამოფენაზე კერძო სექტორის წარმომადგენლებთან ერთად მონაწილეობს. ინტერესი ძალიან მაღალია. გვქონდა ძალიან საინტერესო შეხვედრები მარკეტინგულ, საერთაშორისო ტურისტულ კომპანიებთან, მათ გავაცანით ტურისტული პროდუქტი საქართველოს შესახებ. აღსანიშნავია, რომ დიდი ინტერესია ზაფხულში დაგეგმილი “Starring Georgia” პროექტის მიმართ, რომელიც მსოფლიო ვარსკვლავების მასპინძლობას გულისხმობს“, - განაცხადა მაია ომიაძემ.

უწყების ინფორმაციით, შეხვედრები გაიმართა მსოფლიოში ერთ-ერთი ყველაზე პოპულარული დაჯავშნის პლატფორმის Skyscanner-ის წარმომადგენლებთან, სადაც ერთობლივი მარკეტინგული კამპანიების დაგეგმვის შესახებ ისაუბრეს.

„ძალიან საინტერესო შეხვედრა გვქონდა საქართველოს წარმომადგენლებთან. დიდი სიამოვნებით ველოდებით, დავიწყოთ ერთობლივი მარკეტინგული კამპანია საქართველოს ტურისტული მიმართულების შესახებ Skyscanner-თან ერთად. ჩვენ ვისაუბრეთ საქართველოსთვის მარკეტინგული კამპანიების გამართვის შესახებ ევროპაში, ასევე ჩვენ გვაქვს საინტერესო იდეები სპარსეთის ყურის ქვეყნებთან დაკავშირებით“, - ამბობს Skyscanner-ის წარმომადგენელი ზეინებ ბიგალი.

ტურიზმის ადმინისტრაციის განმარტებით, შეხვედრის პარალელურად საქართველოს კერძო სექტორის წარმომადგენლები დუბაიში პოტენციურ პარტნიორებს შეხვდნენ, სადაც თანამშრომლობის, ერთობლივი ტურების დაგეგმვის საკითხები განიხილეს. უცხოელი ტუროპერატორები საქართველოს სამთო, საზღვაო და გამაჯანსაღებელი კურორტებით დაინტერესდნენ.

მათივე ცნობით, ახლო აღმოსავლეთში ერთ-ერთ უდიდეს ტურისტულ გამოფენაზე საქართველოს ტურიზმის ეროვნული ადმინისტრაცია კერძო სექტორის 52 კომპანიასთან ერთად არის წარდგენილი.

დუბაის საერთაშორისო ტურისტულ გამოფენაში „ATM Dubai 2023“ 150-ზე მეტი ქვეყნის 2 ათასზე მეტი კომპანია მონაწილეობს. გამოფენას 34 ათასზე მეტი ვიზიტორი ჰყავს.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!