მავნებლების სიას კიდევ დავამატებდი. მარტო ვიოლა არ არის მანდ, მანდ არის ფოტიგა, კუბილიუსები, კიდევ უამრავი - რასა და ა.შ. - ამის შესახებ ჟურნალისტებთან საპარლამენტო უმრავლესობის წევრმა, ირაკლი ზარქუამ განაცხადა.

მისი თქმით, ისინი არიან "ფასიანი ლობისტები" , კონკრეტული პარტიის მეგობრები და არა ქართველი ხალხის და საქართველოს მეგობრები.

"ეს ის ხალხია, ვინც 2012 წლამდე და მის შემდეგ დემოკრატიის შუქურად მიიჩნევდნენ სააკაშვილს და მის მთელ ხელისუფლებას. ასე რომ, ნუ გაგვიკვირდება, მითუმეტეს, იმ ევროპარლამენტში, სადაც 10 კაცამდე დაჭერილია კორუფციის ბრალდებით და როგორც მათ თქვეს, 100 კაცამდე კიდევ არის, ვის მიმართაც არსებობს ეჭვები, რომ კორუფციულ გარიგებებში არიან. არსებობს გონივრული ეჭვი, რომ ვინც "ნაცმოძრაობას" ლობირებს ის ჯგუფიც არის ამ თემებში," - განაცხადა ზარქუამ.