გერმანიის ბუნდესთაგის წევრი "ლგბტ პროპაგანდის" შეზღუდვის ინიციატივაზე - თუ ასეთი კანონი მიიღება, ეს იქნება ნამდვილი დაბრკოლება საქართველოს ევროპულ გზაზე

თუ ასეთი კანონი მიიღება, ეს იქნება ნამდვილი დაბრკოლება საქართველოს ევროპულ გზაზე, - ამის შესახებ პარლამენტში ჟურნალისტებთან გერმანიის პარლამენტის ევროკავშირის საკითხთა კომიტეტის წევრმა კრისტიან პეტრმა განაცხადა, რომელიც გამოეხმაურა „ევროპელი სოციალისტების" დეპუტატის ფრიდონ ინჯიას საკანონმდებლო ინიციატივას, "ლგბტ პროპაგანდის" შეზღუდვასთან დაკავშირებით.

მისი თქმით, ქვეყანა ფასდება იმით, თუ როგორ ექცევა სხვადასხვა ჯგუფებს.

„ძალიან მნიშვნელოვანია, როცა კანონპროექტები საზოგადოებიდან მოდის და პარლამენტში მოსახლეობიდან შემოდის. თუმცა, რაც შეეხება ლგბტ საკითხს, ვფიქრობ, ქვეყანა იმით ფასდება, თუ როგორ ექცევა სხვადასხვა ჯგუფებს. თავისუფლება უნდა ჰქონდეს ყველა ადამიანს, განურჩევლად მისი შეხედულებებისა, ეს უნდა იყოს დისკრიმინაციის გარეშე. თუ ასეთი კანონი მიიღება, ეს იქნება ნამდვილი დაბრკოლება საქართველოს ევროპულ გზაზე," - განაცხადა კრისტიან პეტრმა.

საქართველოს პარლამენტში გერმანიის ბუნდესთაგის ევროკავშირის საკითხთა კომიტეტის დელეგაცია იმყოფება. მათ შეხვედრა უკვე გამართეს პარლამენტის თავმჯდომარესთან, შეხვდნენ ასევე საქართველოს პარლამენტის ევროპასთან ინტეგრაციის კომიტეტის წევრებს.

შეგახსენებთ "ევროპელი სოციალისტების" დეპუტატი ფრიდონ ინჯია აცხადებს, რომ „უცნობის“ აქციაზე გაჟღერებული მოთხოვნებიდან გამომდინარე, პარლამენტში დაახლოებით, 7 კანონპროექტს შემოიტანს, რომელთა შორის ერთ-ერთი ლგბტ თემის გამოხატვის თავისუფლებას შეეხება.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო