ლევან ხაბეიშვილის განცხადებით, სანქციები აუცილებლად გაგრძელდება, რომელიც  მაღალი თანამდებობის პირებს შეეხება

„ნაციონალური მოძრაობის“ თავმჯდომარის, ლევან ხაბეიშვილის განცხადებით, სანქციები აუცილებლად გაგრძელდება, რომელიც მაღალი თანამდებობის პირებს შეეხება.

„მე ვფიქრობ, რომ სანქციები აუცილებლად გაგრძელდება. როცა ოთხი მოსამართლე დასანქცირდა იქ საუბარი იყო, კორუფცია აღებ-მიცემობაზე, ღამის ზარებზე. ამერიკელებს არ უთქვამთ, რომ მურუსიძე-ჩინჩალაძე ერთმანეთში საუბრობდა, ესე იგი, ამ ადამიანებს სხვა ზემდგომები ურეკავდნენ, მე ვგულისხმობ, მაღალი თანამდებობის პირებს. შესაძლოა, ესენი იყვნენ პროკურორები, უმრავლესობის ლიდერები, შესაძლოა, ეს იყოს ირაკლი კობახიძე, მდინარაძე ან თუნდაც სუს-ის ხელმძღვანელი ლილუაშვილი ან ძალოვანი უწყების და "ქართული ოცნების" მაღალი თანამდებობის პირები. ცხადია, ბუნებრივ კალაპოტში რომ ჩადგეს, ეს სანქციები გაგრძელდება და კონკრეტულ სხვა მაღალი თანამდებობის პირებს „რუსული ოცნებიდან“ აუცილებლად შეეხება. რაც შეეხება პარლამენტში პროცესს, ჩვენ ვხედავთ, რომ ანტიკონსტიტუციური ქმედებებით არის დაკავებული რუსული ოცნება. კონსტიტუციაში რომ წერია კომისიის შექმნა შეუძლია ოპოზიციას, აი, ამის შესაძლებლობას არ აძლევენ. ყველამ კარგად უნდა გაიაზროს, ისინი ჩადიან კონკრეტულ დანაშაულს. როგორც კი, ხელისუფლებაში არ იქნებიან ყველა ამ დანაშაულიდან დაწყებული რუსული კანონის ხელმოწერით და გაგრძელებული ანტიკონსტიტუციური მოქმედებებით, მოუწევთ პასუხისგება. - განაცხადა ლევან ხაბეიშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი