ტურიზმის ეროვნული ადმინისტრაციის მოწვევით, UNWTO-ის კონსულტანტი კერძო სექტორის წარმომადგენლებისთვის ტრენინგს მართავს

ტურიზმის ეროვნული ადმინისტრაციის ორგანიზებით, კერძო სექტორის 100 წარმომადგენლისათვის სასწავლო კურსი „ციფრული მარკეტინგი“ იმართება.

ტურიზმის ეროვნული ადმინისტრაციის ცნობით, ტრენინგს გაერო-ს მსოფლიო ტურიზმის ორგანიზაციის კონსულტანტი მონსერატ პენაროა ატარებს.

„ეს კურსი ტურისტულ კომპანიებს, სტუმარმასპინძლობის სფეროს წარმომადგენლებს ეხმარება ციფრული მარკეტინგის მიმართულებით უნარები გაიუმჯობესონ. ჩვენ ვსაუბრობთ, თუ როგორ უნდა მოვიზიდოთ მომხმარებლები ვებგვერდების საშუალებით, შემდეგ როგორ ვაქციოთ ისინი ჩვენს კლიენტებად და როგორ უნდა გახდნენ ისინი ჩვენი ერთგული მომხმარებლები. ვფიქრობ ეს ტრენინგები და შემუშავებული სტრატეგიები დაეხმარება მათ დაგეგმონ ციფრული მარკეტინგული კამპანიები“, - აცხადებს მონსერატ პენაროა.

სამდღიანი კურსის მანძილზე ტურიზმის სექტორის წარმომადგენლები დამატებითი ციფრული არხების და ხელოვნური ინტელექტის გამოყენებას, სერვისისა და გაყიდვების გაუმჯობესებას, ბრენდის პოპულარიზაციას და მომხმარებლებთან ციფრული ტექნოლოგიებით კავშირებს ეცნობიან. ტრენინგი სრულიად უსასყიდლოდ იმართება.

„ეს ტრენინგი ტურიზმის ეროვნული ადმინისტრაციის ორგანიზებულია. ადმინისტრაციამ მოგვიწვია კერძო სექტორის წარმომადგენლები. ძალიან ინფორმატიული და საინტერესო კურსია. ზოგადად ასეთი კურსები ძალიან ეხმარება სტუმარმასპინძლობის ინდუსტრიას სწორ და სწრაფ განვითარებაში“, - განაცხადა Ka Hotels-ის დამფუძნებელმა ირაკლი ჭიღრაძემ.

„ციფრული მარკეტინგის სფერო ძალიან დიდი სისწრაფით ვითარდება პანდემიის შემდეგ. თუ თითოეულ ადამიანს გვიწევს ჩვენ თავად მოვიძიოთ განვითარების საშუალება, ამ შემთხვევაში ეს კონკრეტული ტრენინგი ძალიან გვეხმარება ყველაფერი ერთად იყოს თავმოყრილი და ერთი ქოლგის ქვეშ მივიღოთ ჩვენთვის ხელსაყრელი ინფორმაცია, რომ ძალიან მალე როგორ დავინახოთ ჩვენი თავი ციფრულ სამყაროში თანამედროვე ხედვებით“, - ამბობს კომპანია „რადარის“ დამფუძნებელი მაია მახათაძე.

ტურიზმის ეროვნული ადმინისტრაციის ცნობით, სასწავლო კურსი შემდეგ თემებს მოიცავს: SOSTAC მეთოდოლოგიის როლი ციფრულ მარკეტინგში, ტურიზმის ინდუსტრიის ტენდენციები, ახალი ტურისტული ბაზრის სეგმენტები ციფრულ ინდუსტრიაში, კონკურენტის ანალიზის შექმნა და ორგანიზაციის ბენჩმარკინგი, სვოტ ანალიზი, Google Analytics 4-ის მართვა, ორგანიზაციისთვის KPI-ის განსაზღვრა(მარკეტინგის შესრულების ძირითადი ინდიკატორები) და ა.შ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!