რუსეთის საგარეო მინისტრის მოადგილე - კონტრშეტევის შესახებ კიევის იდეების წახალისება კონფლიქტის შემდგომ ესკალაციას და სისხლისღვრას გამოიწვევს

კიევისთვის თანამედროვე დასავლური იარაღის გაგზავნა და კონტრშეტევის შესახებ მისი იდეების წახალისება კონფლიქტის შემდგომ ესკალაციასა და სისხლისღვრას გამოიწვევს, - ამის შესახებ რუსეთის საგარეო საქმეთა მინისტრის მოადგილემ, მიხაილ გალუზინმა რუსულ მედიასთან ინტერვიუში განაცხადა.

მისი თქმით, დასავლეთის მიერ უკრაინაში იარაღის გაგზავნა „დაუფიქრებელი და უპასუხისმგებლო“ ნაბიჯია.

„მინდა გავაფრთხილო კიევის რეჟიმი და მისი დასავლელი სპონსორები, რომ იმას, რასაც ისინი აპირებენ გარდაუვალი სამწუხარო შედეგების იქნება“, - აღნიშნა რუსეთის საგარეო საქმეთა მინისტრის მოადგილემ.

მისი მტკიცებით, რუსეთის შეიარაღებული ძალები მოვლენების ნებისმიერი განვითარებისთვისაა მზად. „ამისგან ვერც კიევი და ვერც დასავლეთი დივიდენდებს ვერ მიიღებს“, - დასძინა გალუზინმა.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის