საქართველოს ყველა საჯარო თუ კერძო სკოლას, ენერგეტიკის დარგში არსებული უსაფრთხოების ნორმების შესახებ მომზადებულ საინფორმაციო პლაკატებს „ენერგო-პრო ჯორჯია“ გადასცემს

„ენერგო-პრო ჯორჯიას“ თანამშრომლებმა თბილისის 31-ე საჯარო სკოლის მოსწავლეებს, ენერგეტიკის შესახებ გაკვეთილი ჩაუტარეს და ენერგეტიკის დარგის სპეციფიკა გააცნეს. კომპანიის სპეციალისტები მოსწავლეებს ელექტროენერგეტიკის, უსაფრთხოების აუცილებელი ზომების და კომპანიის საქმიანების შესახებ ესაუბრნენ, მათ შეკითხვებს უპასუხეს და ამ სფეროში პროფესიული საქმიანობის პერსპექტივების შესახებ ინფორმაცია მიაწოდეს.

ამის შესახებ ინფორმაციას „ენერგო-პრო ჯორჯია“ ავრცელებს.

„ჩემთვის, როგორც პედაგოგისთვის, განსაკუთრებით საინტერესო იყო ენერგეტიკის დარგში არსებული უსაფრთხოების ნორმების გაცნობა. განსაკუთრებით მომეწონა ის, რომ ეს ყველაფერი წარმოდგენილი იყო მოზარდებისთვის გასაგებ ენაზე და მათთვის მისაღები ვიზუალით“, - განაცხადა 31-ე საჯარო სკოლის სამოქალაქო განათლების პედაგოგმა თეა ბზიშვილმა.

მისივე თქმით, რამდენიმე მოსწავლე უკვე დაინტერესდა კიდეც ამ დარგით და არ არის გამორიცხული, მომავალში ეს პროფესია შეისწავლონ.

ენერგეტიკის დარგის პოპულარიზაციის პროექტს სს „ენერგო-პრო ჯორჯია“ რამდენიმე წელია ახორციელებს.

„ამ ხნის განმავლობაში შეხვედრები საქართველოს სხვადასხვა რეგიონის 150-ზე მეტ სკოლაში გაიმართა. სურვილის შემთხვევაში, მოსწავლეებს საშუალება აქვთ კომპანიის საკუთრებაში არსებულ ობიექტებსაც ეწვიონ და ადგილზე გაეცნონ ელექტროენერგიის წარმოების პროცესს.

სკოლას უსაფრთხოებასთან დაკავშირებული საგანმანათლებლო მასალებიც გადაეცა.

არასრულწლოვანების ცნობიერების ასამაღლებლად მსგავსი პლაკატები საქართველოს ყველა საჯარო თუ კერძო სკოლაში გაიკვრება“, - აღნიშნულია კომპანიის მიერ გავრცელებულ ინფორმაციაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!