საქართველოს ბიზნეს ასოციაცია საქართველოს რეგიონული განვითარებისა და ინფრასტრუქტურის მინისტრს შეხვდა

საქართველოს ბიზნესასოციაციის პრეზიდენტი, სამეთვალყურეო საბჭოს წევრები და ასოციაციის წევრი კომპანიების წარმომადგენლები რეგიონული განვითარებისა და ინფრასტრუქტურის მინისტრს, ირაკლი ქარსელაძეს შეხვდნენ. ამის შესახებ ინფორმაციას საქართველოს ბიზნესასოციაცია ავრცელებს.

მათი ცნობით, შეხვედრის ფარგლებში, მინისტრმა, მისმა მოადგილეებმა და სამინისტროს დაქვემდებარებული უწყებების ხელმძღვანელებმა ბიზნეს სექტორის წარმომადგენლებს სამინისტროს საქმიანობის ძირითადი მიმართულებებისა და ამ მიმართულებების მიხედვით მიმდინარე მნიშვნელოვანი პროექტების შესახებ ინფორმაცია გაუზიარეს.

ბიზნესასოციაციის განმარტებით, ირაკლი ქარსელაძემ ისაუბრა საგზაო, წყალმომარაგების, წყალარინების, მუნიციპალური და საგანმანათლებლო ინფრასტრუქტურის განვითარების პროგრესზე, ურბანული განახლების მიზნით მიმდინარე სპეციალურ პროგრამებსა და მყარი ნარჩენების მართვის კუთხით გაწეულ საქმიანობაზე.

მინისტრმა ხაზი გაუსვა საქართველოზე გამავალი შუა დერეფნისა და საერთაშორისო მაგისტრალური საავტომობილო გზების განვითარების მნიშვნელობას და ისაუბრა მაგისტრალური გზების მშენებლობის მასშტაბური პროექტების მიმდინარეობასა და მნიშვნელობაზე.

საქართველოს ბიზნესასოციაციაში აცხადებენ, რომ ირაკლი ქარსელაძემ, ვრცელი და სრულფასოვანი პრეზენტაციის მეშვეობით, შეხვედრის მონაწილეებს მიაწოდა დეტალური ინფორმაცია სამინისტროს გეგმებზე, მათ შორის, საბავშვო ბაღების მშენებლობა-რეაბილიტაციისა და ქალაქებისა და კურორტების განვითარების ახალი პროგრამების შესახებ. მან, ასევე, ხაზი გაუსვა სამინისტროსა და ბიზნეს სექტორის თანამშრომლობის მნიშვნელობას და საქართველოს ბიზნესასოციაციის წევრი კომპანიების წარმომადგენლებს ნაყოფიერი თანამშრომლობისთვის მადლობა გადაუხადა.

შეხვედრის დასასრულს ბიზნესასოციაციის წევრი კომპანიების წარმომადგენლებმა მინისტრს, მათთვის მნიშვნელოვან და აქტუალურ საკითხებზე, კითხვები დაუსვეს.

„მიგვაჩნია, რომ ბიზნეს სექტორის პირდაპირი და აქტიური კომუნიკაცია უწყებების უშუალო ხელმძღვანელებთან ძალიან ღირებული და მნიშვნელოვანია, რადგან სწორედ, თანამშრომლობითა და კოორდინირებული მუშაობით შესაძლებელია იმ ეკონომიკური ამოცანების მიღწევა, რაც ხელს უწყობს ჩვენი ქვეყნის ეკონომიკურ განვითარებასა და წინსვლას. ეს უკანასკნელი კი, როგორც ხელისუფლების, ასევე ბიზნესის საერთო ინტერესს წარმოადგენს. მადლობას ვუხდით საქართველოს რეგიონული განვითარებისა და ინფრასტრუქტურის მინისტრს, ირაკლი ქარსელაძეს, ასეთი დეტალური და შინაარსიანი პრეზენტაციისთვის და ბიზნესთან აქტიური თანამშრომლობისთვის“, -განაცხადა საქართველოს ბიზნესასოციაციის პრეზიდენტმა სოსო ფხაკაძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!