ვოლოდიმირ ზელენსკი - გვესმის, რომ ომის დროს ნატო-ში არ შევალთ, მაგრამ მკაფიო სიგნალი გვსურს

გვესმის, რომ ომის დროს ნატო-ში არ შევალთ, მაგრამ მკაფიო სიგნალი გვსურს, - ამის შესახებ უკრაინის პრეზიდენტმა ვოლოდიმირ ზელენსკიმ ნიდერლანდებისა და ბელგიის პრემიერ-მინისტრებთან გამართულ ერთობლივ ბრიფინგზე განაცხადა.

ზელენსკიმ აღნიშნა, რომ ვილნიუსში დაგეგმილ სამიტზე კიევს მოკავშირეებისგან სურს „რამე უფრო მეტი გაიგოს, ვიდრე ალიანსის „ღია კარებზე“.

„რეალისტები ვართ, გვესმის, რომ არ შევალთ ნატო-ში, ვიდრე ომი გრძელდება. მაგრამ უკვე ომის დროს გვსურს ნათელი სიგნალი გავიგონოთ იმის შესახებ, რომ ომის შემდეგ ნატო-ში ვიქნებით“, - განაცხადა ზელენსკიმ.

ნიდერლანდების პრემიერ-მინისტრმა მარკ რიუტემ ნატო-ში უკრაინის გაწევრიანების საკითხზე კომენტარისას ალიანსის გენერალური მდივნის სიტყვები გაიხსენა, რომ უკრაინა „ევროატლანტიკურ ოჯახს ეკუთვნის“ და „ოდესღაც ნატო-ში იქნება“.

„რაც შეეხება ნიდერლანდებს, ჩვენ მხარს ვუჭერთ უკრაინის ამბიციებს ნატო-ში წევრობასთან დაკავშირებით. ახლა იმაზე ვმუშაობთ, რომ ვილნიუსის სამიტზე წინ გადავდგათ ნაბიჯი და იმ ფორმულირებებს არ დავუბრუნდეთ, რომლებიც [2008 წლის] ბუქარესტის ან რომელიმე სხვა სამიტზე იყო. რომ ეს ნათელი ნაბიჯი იყოს. ზუსტად რა იქნება - შემდგომ 4-6 კვირაში განიხილება“, - განაცხადა რიუტემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს