„ქართულ-უკრაინული თანამეგობრობის ალიანსმა“ უკრაინელი ქალებისთვის, რომლებიც ომის მიზეზით, 2022 წლის 24 თებერვლის შემდეგ საქართველოში იმყოფებიან, ქალთა ეკონომიკური გაძლიერების პროექტის ფარგლებში, კერამიკასთან მუშაობის უფასო კურსი დაიწყო. ამის შესახებ ინფორმაციას „ქართულ-უკრაინული თანამეგობრობის ალიანსი“ ავრცელებს.

პროექტის სერიის მიზანს წარმოადგენს ომით დაზარალებული ქალებისთვის სხვადასხვა ხელსაქმის შესწავლა და ეკონომიკური საქმიანობაში ჩართვის მხარდაჭერა. ასევე, იმ ადამიანის გაერთიანება ფორმალურ სივრცეში, რომელთაც აქვთ მსგავსი ისტორია და საერთო გამოწვევები. მათი დაახლოება და მათ შორის აქტიური კომუნიკაციის და თანამშრომლობის ხელშეწყობა.

როგორც ალიანსის განცხადებაში არის აღნიშნული მათთვის ღირებულია ის გარემოებაც, რომ კურს უკრაინელი პედაგოგი, სერგეი გრიშენკო წარუძღვება. აღნიშნული კურსი წარმოადგენს არამარტო ხელსაქმის შესწავლის შესაძლებლობას, არამედ მოიცავს ფსიქოლოგიური თერაპიის ხაზსაც (არტ-თერაპია).

„კერამიკის კურსი გაგრძელდება სამი თვე, რის შემდგომაც მათ ექნებათ საშუალება მომდევნო ორი-სამი თვის განმავლობაში გაიარონ სტაჟირება შესაბამისი მიმართულებით ან დამოუკიდებლად იმუშაონ თავიანთი ნაწარმის შექმნაზე. საბოლოოდ მოხდება ყველა მონაწილის მიერ შემუშავებული პროდუქტის გამოფენა-გაყიდვა დიდ საგამოფენო სივრცეში, სადაც ფართო აუდიტორიას და მოწვეულ სტუმრებს საშუალება ექნებათ მიიღონ ინფორმაცია პროექტზე, საქართველოში მცხოვრები ომით დაზარალებული ქალების საქმიანობის შესახებ, იხილონ და შეიძინონ მათი ნამუშევრები.

„ქართულ-უკრაინული თანამეგობრობის ალიანსი“ აღნიშნულ პროექტი ხორცილედება ააიპ „ქალთა ფონდი საქართველოში “Women’s fund in Georgia“ /-ს ფინანსური მხარდაჭერით”, - აღნიშნულია ინფორმაციაში.