საქართველოს ტურიზმის ეროვნული ადმინისტრაცია ქვეყნის მასშტაბით კერძო სექტორისთვის ახალ ტრენინგებს იწყებს თემაზე - „ინკლუზიური ტურისტული პროდუქტები და სერვისები შშმ პირთათვის“

საქართველოს ტურიზმის ეროვნული ადმინისტრაცია მთელი ქვეყნის მასშტაბით კერძო სექტორისთვის ახალ ტრენინგებს იწყებს თემაზე - „ინკლუზიური ტურისტული პროდუქტები და სერვისები შეზღუდული შესაძლებლობის მქონე პირთათვის“.

როგორც ტურიზმის ეროვნულ ადმინისტრაციაში აცხადებენ, სასწავლო კურსი შემდეგ ქალაქებსა და დაბებში ჩატარდება: თბილისი, რუსთავი, გორი, კასპი, თეთრიწყარო, თელავი, ქუთაისი, წყალტუბო, ბათუმი, ზუგდიდი, ამბროლაური, დაბა სტეფანწმინდა, დაბა მესტია.

მათივე ცნობით, ტრენინგზე დასწრება შეუძლიათ, როგორც განთავსებისა და კვების ობიექტების, ასევე ტურისტული კომპანიების, დაცული ტერიტორიების სააგენტოების წარმომადგენლებს, გიდებს.

„ტრენინგი უსასყიდლოდ იმართება. დამსწრეებს გადაეცემათ სერტიფიკატი.

რეგისტრაციისათვის დაგვიკავშირდით a.aroshidze@gnta.ge ტელ: 599460099

ტრენინგის თემატიკები :

ინკლუზიური ტურიზმის დანერგვის სტრატეგიები, პოზიციონირება და მარკეტინგი:

ინკლუზიური ტურისტული პროდუქტებისა და სერვისების შემუშავება - საერთაშორისო წარმატებული პრაქტიკა;

ტურიზმის ღირებულების ჯაჭვის ყველა რგოლში ინკლუზიური ტურისტული პროდუქტებისა და მისაწვდომი სერვისების დანერგვა;

ტურიზმის ინდუსტრიის საერთაშორისო ბაზარზე ინკლუზიური ტურისტული პროდუქტებისა და სერვისების პოზიციონირება და პოპულარიზაცია;

ინკლუზიური ტურისტული პროდუქტები და სერვისები - MICE ტურიზმი (საქმიანი შეხვედრები, ღონისძიებები, კონფერენციები, ფესტივალები და გამოფენები);

ინკლუზიური ტურიზმის, უნივერსალური დიზაინისა და მისაწვდომობის საერთაშორისო და ეროვნული სტანდარტების მოთხოვნების დაცვა;

ინკლუზიური ტურისტული მარშრუტები და სერვისები ბუნებაში (დაცული ტერიტორიები, პარკები, ტურისტული ღირსშესანიშნაობები, ტურისტული ადგილები და ობიექტები);

საერთაშორისო სტანდარტები და საუკეთესო პრაქტიკა“, - ნათქვამია ტურიზმის ადმინისტრაციის ინფორმაციაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო