თსუ-ის დელეგაცია კატარის უნივერსიტეტში იმყოფებოდა

თბილისის სახელმწიფო უნივერსიტეტსა და კატარის უნივერსიტეტს შორის არსებული თანამშრომლობის გაღრმავებასა და ახალი შესაძლებლობების შექმნა ითვალისწინებს თანამშრომლობის მემორანდუმი, რომელსაც ხელი თსუ რექტორმა ჯაბა სამუშიამ და კატარის უნივერსიტეტის პრეზიდენტმა ჰასსან რაშიდ ალ დერჰამმა მოაწერეს.

ამის შესახებ ინფორმაციას თბილისის სახელმწიფო უნივერსიტეტი ავრცელებს.

მათივე ცნობით, შეხვედრაზე ყურადღება გამახვილდა ორი ქვეყნის უნივერსიტეტებს შორის საუკეთესო გამოცდილების გაზიარების მნიშვნელობაზე, სტუდენტური გაცვლების ხელშეწყობასა და ერთობლივი საუნივერსიტეტო პროექტების განხორციელებაზე.

„შეხვედრაზე გადაწყდა, რომ შეიქმნება ერთობლივი სამუშაო ჯგუფი, რომელიც პერიოდულად გამართავს შეხვედრებს და განსაზღვრავს მომავალი თანამშრომლობის ნაბიჯებს. კერძოდ, ერთობლივი საგანმანათლებლო და კვლევითი საქმიანობის განხორციელებას, სემინარებსა და სამეცნიერო შეხვედრებში მონაწილეობას, სასწავლო მასალების, პუბლიკაციების და სხვა ინფორმაციის გაცვლა-გაზიარებას, ასევე, სტუდენტური გაცვლების ხელშეწყობასა და სპეციალური მოკლევადიანი აკადემიური პროგრამების განხორციელებას. განსაკუთრებული აქცენტი გაკეთდა თსუ ჰუმანიტარულ მეცნიერებათა ფაკულტეტის არაბისტიკის საგანმანათლებლო პროგრამების (ბაკალავრიატი, მაგისტრატურა) და ზუსტ და საბუნებისმეტყველო ფაკულტეტის სამეცნიერო-კვლევით საქმიანობაში თანამშრომლობაზე.

შეხვედრაზე თსუ-ს რექტორმა მადლობა გადაუხადა კატარის უნივერსიტეტის პრეზიდენტს ყოველწლიურად თსუ სტუდენტების მიღებისთვის, რომლებიც კატარის მთავრობის მიერ გამოყოფილი სტიპენდიების ფარგლებში სწავლობენ არაბული ენის შემსწავლელ პროგრამაზე.

ქალაქ დოჰაში ვიზიტის ფარგლებში თსუ-ის დელეგაციისთვის გაიმართა კატარის უნივერსიტეტის კამპუსის ტური. დელეგაციის წევრები ეწვივნენ კატარის კვლევით ცენტრებსა და ბიბლიოთეკას. დაათვალიერეს კატარის უნივერსიტეტის ბიბლიოთეკის ქართული კუთხე. თსუ რექტორის ჯაბა სამუშიას თქმით, თბილისის სახელმწიფო უნივერსიტეტი იზრუნებს ამ კუთხის თსუ გამომცემლობის მიერ დასტამბული წიგნებით გამდიდრებაზე.

თსუ-ს დელეგაციის ვიზიტი კატარის სახელმწიფოში საქართველოს საელჩოს ორგანიზებით და ხელშეწყობით გაიმართა“, - აღნიშნულია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი