სერჰი ჩერევატი - „ვაგნერის“ ბახმუტიდან გასვლის გადაწყვეტილების მიზეზი პასუხისმგებლობის თავიდან აცილების მცდელობაა და არა „ჭურვების შიმშილი“

ევგენი პრიგოჟინის გადაწყვეტილება ბახმუტიდან „ვაგნერის” დაჯგუფების "ბოევიკების" გაყვანის შესახებ გამოწვეულია პასუხისმგებლობის თავიდან ასაცილებლად იმის გამო, რომ ქალაქის აღება ვერ მოხერხდა და არა „ჭურვების შიმშილის“ გამო, - ამის შესახებ უკრაინის შეიარაღებული ძალების აღმოსავლეთ სამხედრო სარდლობის პრესსპიკერმა, სერჰი ჩერევატიმ განაცხადა.

მისი მტკიცებით, ბახმუტში მტერს ჭურვების ნაკლებობა არ აქვს, რადგან ამ მიმართულებით, მხოლოდ მიმდინარე დღის განმავლობაში, უკრაინის შეიარაღებული ძალების პოზიციებს 520 საარტილერიო დარტყმა მიაყენეს. ამიტომ, უკრაინის სარდლობაში მიიჩნევენ, რომ დაქირავებული ჯარისკაცების გაყვანის მთავარი მიზეზი „ვაგნერის“ ცოცხალი ძალის ამოწურვაა.

”ერთ თვეზე მეტი ხნის წინ ჩვენ გამოვთქვით ვარაუდი, რომ თუ „ვაგნერი“ განაგრძობდა დღეში 100 ან მეტი ადამიანის დაკარგვას, მაშინ უახლოეს მომავალში ისინი განადგურდებოდნენ და ასეც გამოდის. მაშასადამე, ეს არ არის „ჭურვების შიმშილი“, რაზედაც პრიგოჟინი საუბრობს“, - აღნიშნა ჩერევატიმ.

მისი თქმით, პრიგოჟინმა იცის, რომ ბახმუტის სრულად აღება შეუძლებელია, ამიტომ ცდილობს თავი დააღწიოს პასუხისმგებლობას.

შეგახსენებთ, კერძო სამხედრო დაჯგუფება „ვაგნერის“ ხელმძღვანელმა, ევგენი პრიგოჟინმა განაცხადა, რომ „ვაგნერის“ მებრძოლები, 10 მაისიდან, ქალაქ ბახმუტის დატოვებას დაიწყებენ. „გამყავს „ვაგნერის“ ქვედანაყოფები, რადგან საბრძოლო მასალის გარეშე ისინი განწირულები არიან უაზრო სიკვდილისთვის,“- აღნიშნა მან.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი