მამუკა მდინარაძე - თუკი ვინმე ფიქრობს, რომ ეროვნულ ღირებულებებზე საუბარი ღირებულებებს მიღმაა, რუსული და ანტიდასავლურია, ასეთ ხალხთან ურთიერთობების გადახედვაზე ჩვენ უფრო უნდა ვილაპარაკოთ, ვიდრე ისინი აქეთ ილაპარაკებენ

თუკი ვინმე ფიქრობს, რომ ეროვნულ ღირებულებებზე საუბარი ღირებულებებს მიღმაა, რუსული და ანტიდასავლურია, ასეთ ხალხთან ურთიერთობების გადახედვაზე ჩვენ უფრო უნდა ვილაპარაკოთ, ვიდრე ისინი აქეთ ილაპარაკებენ, - ასე უპასუხა უმრავლესობის ერთ-ერთმა ლიდერმა მამუკა მდინარაძემ „ევროპელ სოციალისტების პარტიის“ განცხადებაზე დასმულ კითხვას.

მდინარაძის თქმით, პრემიერმა ღარიბაშვილმა „კონსერვატიული პოლიტიკური მოქმედების“ კონფერენციაზე ტრადიციულ და ეროვნულ ფასეულობებსა და ამ ყველაფრის გათვალისწინებით, მომავლის ხედვაზე ილაპარაკა.

„თუ ეს ყველაფერი ღირებულებების მიღმაა და ეს სწორო შეფასებაა, ამაზე ქართულმა საზოგადოებამ იმსჯელოს. როდესაც ეს ხალხი - ჩვენი პოლიტიკური ოჯახის წევრები რომ ჰქვია - ზოგიერთი მათგანი ჩვენი პარტნიორი პარტიიდან გამოდის და ითხოვს კრიმინალის გათავისუფლებას და იმ ადამიანის დასჯას, რომელიც არაფორმალურად დასანქცირებულია მხოლოდ იმიტომ, რომ საკუთარ სამშობლოს არ უღალატა, აქაც ღირებულებებსა და ფასეულობებზე ვილაპარაკოთ... ვფიქრობ, თუკი ეს მათი მკაფიო ხაზია და ეროვნულ ღირებულებებში ისინი რუსულსა და ანტიდასავლურს ხედავენ, ჩვენ სერიოზული სალაპარაკო გვქონია უფრო მეტად, ვიდრე ისინი ლაპარაკობენ ჩვენი მისამართით - გაღმა შედავების პრინციპით“, - განაცხადა მამუკა მდინარაძემ.

„ევროპელი სოციალისტების პარტიამ“ გაავრცელა განცხადება, სადაც აღნიშნულია, რომ გმობს საქართველოს პრემიერ-მინისტრის ირაკლი ღარიბაშვილის „კონსერვატიული პოლიტიკური მოქმედების“ კონფერენციაში მონაწილეობას და მიიღო გადაწყვეტილება, რომ მორიგ სხდომაზე „ქართული ოცნების“ სტატუსი შეაფასოს.

„პრემიერ ღარიბაშვილის ქმედება მიუღებელია და მას ჩვენი პოლიტიკური ოჯახის ღირებულებების მიღმა აყენებს. „ევროპელი სოციალისტების პარტიამ“ მიიღო გადაწყვეტილება, რომ ხელმძღვანელობის მომავალ სხდომაზე პარტიაში „ქართული ოცნების“ სტატუსის შეფასება მოხდება. ეს ცხადია, აუცილებელი ნაბიჯია ღარიბაშვილის დღევანდელი ინტერვენციის შემდეგ“, - აღნიშნულია „ევროპელი სოციალისტების პარტიის“ ვიცე-პრეზიდენტის, კატი პირის განცხადებაში.

ცნობისთვის, „ქართულ ოცნებას“ „ევროპელი სოციალისტების პარტიაში“ ამჟამად პარტიის დამკვირვებელი წევრის სტატუსი აქვს.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე