ირანში ტერორიზმის ბრალდებით ირანისა და შვედეთის ორმაგი მოქალაქე ჰაბიბ ჩააბი სიკვდილით დასაჯეს.

„ალჯაზირას“ ინფორმაციით, მამაკაცს ბრალი 2018 წლის სამხედრო აღლუმის დროს მომხდარ აფეთქებაში მონაწილეობისთვის წაუყენეს. ჰაბიბ ჩააბი ირანის უსაფრთხოების ძალებმა თურქეთში დააკავეს და შემდეგ თეირანში გადაიყვანეს.

ირანის უზენაესმა სასამართლომ მისი სიკვდილით დასჯის გადაწყვეტილება მიმდინარე წლის მარტში მიიღო. შვედეთის საგარეო საქმეთა სამინისტრო ჩააბის სიკვდილით დასჯის ფაქტს „შემაშფოთებელს“ უწოდებს.