ბრიტანეთის თავდაცვის უწყება - რუსეთი, უკრაინაში საბრძოლველად, ცენტრალური აზიიდან ჩასული მიგრანტების გადაბირებას ცდილობს

რუსი სამხედრო რეკრუტერები ცენტრალური აზიიდან ჩასული მიგრანტი მუშაკების უკრაინის ომში საბრძოლველად გადაბირებას ცდილობენ, - ამის შესახებ გაერთიანებული სამეფოს თავდაცვის სამინისტროს ანგარიშშია აღნიშნული.

ბრიტანული დაზვერვის თანახმად, რეკრუტერები ამ მიზნით მეჩეთებსა და საიმიგრაციო ოფისებს ეწვივნენ.

"საიმიგრაციო სამსახურის ტაჯიკურ და უზბეკურ ენაზე მოლაპარაკე თანამშრომლები რეგულარულად ცდილობენ მიგრანტების გადაბირებას", - ნათქვამია ანგარიშში.

ბრიტანეთის თავდაცვის სამინისტრო რადიო „თავისუფალ ევროპაზე” დაყრდნობით აცხადებს, რომ რეკრუტერები მიგრანტებს რეგისტრაციის სანაცვლოდ ბონუსის სახით 2 390 აშშ დოლარს, ხელფასის სახით კი თვეში 4 160 აშშ დოლარამდე შემოსავალს სთავაზობენ.

„მიგრანტებს ასევე შესთავაზეს რუსეთის მოქალაქეობის მიღების სწრაფი გზა ექვსი თვიდან ერთ წლამდე ვადაში, ჩვეულებრივი ხუთი წლის ნაცვლად”, - აღნიშნულია ანგარიშში.

უწყების შეფასებით, მაღალი ყოველთვიური ხელფასი და სარეგისტრაციო ბონუსი ზოგიერთ მიგრანტ მუშაკს აიძულებს, დარეგისტრირდეს. „ამ ახალწვეულებს, სავარაუდოდ, გაგზავნიან უკრაინის ფრონტზე, სადაც მსხვერპლის მაჩვენებელი ძალიან მაღალია“, - აღნიშნულია ანგარიშში.

ბრიტანეთის თავდაცვის სამინისტროს შეფასებით, მიგრანტების გადაბირება წარმოადგენს რუსეთის თავდაცვის სამინისტროს ძალისხმევის ნაწილს, რომლის მიზანია უკრაინაში საბრძოლველად 400 000 მოხალისე შეკრიბოს.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას