თბილისში საერთაშორისო სადაზღვევო კონფერენცია ჩატარდა

საქართველოს დაზღვევის ზედამხედველობის სამსახურის ორგანიზებით და სადაზღვევო კომპანიების მხარდაჭერით, თბილისში, საერთაშორისო სადაზღვევო კონფერენცია XPRIMM ჩატარდა.

„ალდაგის“ ინფორმაციით, კონფერენციის მიზანი დაზღვევის სფეროში არსებული მიღწევებისა და გამოწვევების, დაზღვევის სავალდებულო სახეობის შემოღების წინაპირობებისა და მოლოდინების განხილვა იყო.

მათივე ცნობით, კონფერენციას ესწრებოდნენ სტუმრები სხვადასხვა ქვეყნის სადაზღვევო კომპანიებიდან, საქართველოს დაზღვევის ზედამხედველობის სამსახურიდან და სადაზღვევო ასოციაციიდან. კონფერენციიაზე განიხილეს დაზღვევის სფეროში სხვა ქვეყნებში არსებული გამოცდილება, მათ შორის ავსტრიის, პოლონეთისა და თურქეთის მაგალითზე. დაზღვევის ზედამხედველობის სამსახურის უფროსმა, დავით ონოფრიშვილმა დამსწრეებს სექტორის მიმოხილვა და სექტორში არსებული ტენდენციები გააცნო და ბაზრის განვითარების პერსპექტივაზე ისაუბრა

კონფერენციაზე შედგა ორი პანელური დისკუსია, მათ შორის სადაზღევევო ბაზრის პერსპექტივებსა და მძღოლის მესამე პირისადმი პასუხისმგებლობის სავალდებულო პროდუქტზე, რომელშიც „ალდაგის“ გენერალური დირექტორი, გიორგი ბარათაშვილი მონაწილეობდა.

„საქართველო ერთადერთი ქვეყანაა აღმოსავლეთ ევროპაში, სადაც დაზღვევის ეს სახეობა არ არის სავალდებულო. ძალიან მნიშვნელოვანია, რომ საქართველო დგამს ნაბიჯს წინ და უერთდება იმ განვითარებულ ქვეყნებს, სადაც მძღოლის პასუხისმგებლობა მესამე პირის წინაშე სავალდებულოა. ჩვენ ვფიქრობთ, რომ ეს მნიშვნელოვნად წაახალისებს დაზღვევის ინდუსტრიის განვითარებას და საცალო პროდუქტების მოხმარება გაიზრდება. დღეისათვის ავტომობილების მხოლოდ 10%-ია დაზღვეული, რაც განვითრებულ ქვეყნებთან შედარებით ძალიან დაბალი მაჩვენებელია. გვჯერა, რომ სავალდებულო MTPL-ის შემოღება მომხმარებელს დაანახებს დაზღვევის სიკეთეს და პრაქტიკულობას“, - განაცხადა გიორგი ბარათაშვილმა.

„ალდაგის“ ინფორმაციით, სავალდებულო სახეობასთან მიმართებით საუბარი შეეხო სადაზღვევო სფეროში არსებულ გამოწვევებს, მათ შორის დაბალი პენეტრაცია და დაზღვევის სხვადასხვა სახეობების ნაკლები მოხმარება, გადაზღევის მაღალი ტარიფები და ა.შ.

გიორგი ბარათაშვილის თქმით, „ალდაგი“ ფოკუსირებული იქნება კვლავ ჯანსაღ პორტფელსა და ანდერაიტინგის მაღალ სტანდარტზე დაფუძნებულ ინდივიდულაურ მიდგომაზე, რაც კომპანიის გრძელვადიანი განვითარების პერსპექტივაა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024