გურამ მაჭარაშვილი - პარლამენტის მიერ ცესკოს თავმჯდომარისა და წევრების არჩევის პროცედურა ოპოზიციის საბოტაჟის მაგალითია - ამ პროცესში პრეზიდენტიც ჩაერთო

პარლამენტის მიერ ცესკოს თავმჯდომარისა და წევრების არჩევის პროცედურა ოპოზიციის საბოტაჟის მაგალითია - ამ პროცესში პრეზიდენტიც ჩაერთო, - აღნიშნული შეფასება უმრავლესობის დეპუტატმა გურამ მაჭარაშვილმა საარჩევნო კანონმდებლობაში დაგეგმილ ცვლილებებზე საუბრისას გააკეთა.

მისივე თქმით, მექანიზმი, რაც დღეს ცესკოს თავმჯდომარისა და წევრების არჩევის კუთხით არსებობს, არ მუშაობს და არსებულმა რეგულაციებმა პრაქტიკაში პრობლემები შექმნა.

“არ მუშაობს სწორედ იმიტომ, რომ ასეთი ტიპის ოპოზიცია გვყავს და ასეთ პოლიტიკურ პროცესებში ვართ. სახელმწიფომ და საზოგადოებამ არაფერი დააშავა. შესაცვლელია წესები და რეგულაციები, რომელიც არსად არ მოქმედებს და რატომღაც საქართველოსთვის მოიგონეს. ამიტომ ისეთ რეგულაციებს მივიღებთ, რომელიც ქვეყნისთვის და საზოგადოებისთვის კარგად იმუშავებს. მიღებული რეგულაციებით არც კონსტიტუცია დაირღვევა და მეორეს მხრივ, რეგულაციები ადეკვატური იქნება“, - განაცხადა გურამ მაჭარაშვილმა.

ცნობისთვის, მმართველმა უმრავლესობამ “საარჩევნო კოდექსსა“ და პარლამენტის რეგლამენტში ცვლილებები წარადგინა, რომლის მიხედვით, ცესკოს თავმჯდომარეობის და ე.წ. პროფესიული წევრობის კანდიდატების შერჩევის და პარლამენტისთვის წარდგენის პრეროგატივა პრეზიდენტის ნაცვლად, პარლამენტის თავმჯდომარეს ექნება. ასევე, იცვლება მათ არჩევასთან დაკავშირებული პროცედურა და კვორუმი - თუკი პარლამენტი ცესკოს თავმჯდომარესა და წევრებს სრული შემადგენლობის უმრავლესობით (76 ხმა) მხარს დაუჭერს, თანამდებობას 5 წლის ვადით დაიკავებენ. კანონპროექტი პარლამენტის ბიუროს წარედგინა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024