ოდესაში, რუსეთის სარაკეტო დარტყმის შედეგად, „წითელი ჯვრის“ ჰუმანიტარული დახმარების საწყობი განადგურდა
რუსეთის მიერ ოდესის ოლქის დაბომბვის შედეგად „წითელი ჯვრის“ ჰუმანიტარული დახმარების საწყობი განადგურდა და მოსახლეობისთვის დახმარების გაწევა შეჩერდა, - ინფორმაციას უკრაინული მედია ავრცელებს.
„ოდესის ოლქზე სარაკეტო თავდასხმის შედეგად, მთლიანად განადგურდა უკრაინის წითელი ჯვრის საზოგადოების ოდესის რეგიონალური ორგანიზაციის 1000 კვ.მ.-ზე მდებარე საწყობი. ხანძარმა მთლიანად გაანადგურა ჰუმანიტარული დახმარება ოდესის ოლქისთვის, რომელიც საწყობში ინახებოდა“, - აცხადებენ „წითელი ჯვრის“ პრესსამსახურში.
მათივე ინფორმაციით, თავდასხმის დროს ორგანიზაციის თანამშრომლები ტერიტორიაზე არ იმყოფებოდნენ.
ამასთან, „წითელი ჯვრის“ ცნობით, 7 მაისის სარაკეტო თავდასხმის შედეგად დაზიანდა „წითელი ჯვრის“ მიკოლაივის რეგიონული ორგანიზაციის მობილური საავადმყოფო.
შეგახსენებთ, რუსულმა ძალებმა წუხელ ოდესის ოლქზე სარაკეტო იერიში, კიევზე კი დრონებით თავდასხმა განახორციელეს.
v-if="article.gallery" v-html="article.gallery"
