უკრაინას ყველაფერი საჭირო გააჩნია 24 თებერვლიდან დაპყრობილი ტერიტორიების დეოკუპაციისთვის. ამის შესახებ აშშ-ის სახელმწიფო მდივანმა ენტონი ბლინკენმა დიდი ბრიტანეთის საგარეო საქმეთა მინისტრ ჯეიმს კლევერლისთან გამართულ ერთობლივ პრესკონფერენციაზე განაცხადა.
“მათ გააჩნიათ… ყველაფერი საჭირო იმისთვის, რომ გააგრძელოს საკუთარი ტერიტორიების წარმატებით დაბრუნება, რომლებიც რუსეთის მიერ ბოლო 14 თვის განმავლობაში იქნა დაპყრობილი”, - განაცხადა ბლინკენმა.
აშშ-ის სახელმწიფო მდივანმა აღნიშნა, რომ საუბარია არა მხოლოდ შეიარაღებაზე, არამედ ადამიანების მომზადებაზეც.
“ეს დარწმუნებაა იმაში, რომ უკრაინელები შეძლებენ იმ სისტემების მომსახურებას, რომლებსაც ჩვენ ვაწვდით, და, რა თქმა უნდა, მნიშვნელოვანია, რომ სწორი გეგმები ჰქონდეთ, იმისთვის, რომ წარმატებას მიაღწიონ”, - აღნიშნა ბლინკენმა.