შვედეთის თავდაცვის მინისტრის პალ ჯონსონის თქმით, მის ქვეყანას არ შეუძლია უკრაინა საბრძოლო თვითმფრინავებით მოამარაგოს, რადგან შვედეთს საკმარისი საბრძოლო თვითმფრინავები არ აქვს.

მედიის ცნობით, ჯონსონმა დაადასტურა, რომ ოფიციალური სტოკჰოლმი არ გეგმავს Saab JAS 39 Gripen-ის თვითმფრინავის უკრაინისთვის გაგზავნას.

გარდა ამისა, როგორც შვედეთის თავდაცვის მინისტრმა აღნიშნა, შვედეთის უკრაინისადმი მხარდაჭერა ახლა სამხედრო წვრთნებსა და უკვე გაგზავნილი აღჭურვილობის მხარდაჭერაზე ფოკუსირდება.

მანამდე ჯონსონმა უკრაინულ მედიასთან ინტერვიუში განაცხადა, რომ Gripen-ის გაგზავნა შვედეთისთვის გამოწვევაა, რადგან ქვეყანას ისინი საკუთარი სუვერენიტეტის დასაცავად და საჰაერო სივრცის ურღვეობისთვის სჭირდება.