საქართველოს პოპულარიზაციისთვის ახალი ტურისტული პორტალი შეიქმნა

ციფრული ტრანსფორმაციის პროექტის ფარგლებში ტურიზმის ეროვნულმა ადმინისტრაციამ საქართველოს მთავარი ტურისტული პორტალის პრეზენტაცია მოაწყო.

ინფორმაციას ტურიზმის ეროვნულმა ადმინისტრაცია ავრცელებს.

მათივე ცნობით, Georgia.travel-ის ახალი ვებგვერდი 70-მდე ქვეყნის ტურისტული პორტალის კვლევისა და ანალიზის შედეგად მომზადდა. ვებგვერდზე საქართველოს მნიშვნელოვანი სანახაობებისა და ტურისტული პროდუქტების შესახებ დარგის კონსულტანტების ჩართულობით 3200-მდე სტატია მომზადდა და ქართულ და ინგლისურ ენებზე აიტვირთა.

„პორტალზე ინტერაქციული რუკით ვიზიტორს შეუძლია გაფილტროს რეგიონები, ადგილები, ინტერესის მიხედვით შეარჩიოს და სურვილების კალათაში შეინახოს სასურველი ლოკაცია, გაეცნოს ინფორმაციას, დაათვალიეროს ფოტოები, რაც პირად რუკაზე აისახება და ვიზიტორს საშუალება ექნება, საქართველოში მოგზაურობა დაგეგმოს.

ახალ პორტალზე განთავსებულია ლაშქრობების, საფეხმავლო ტურების გეგმები, რაც აღნიშნული მიმართულების განვითარების შესაძლებლობას იძლევა და სათავგადასავლო მიმართულებით დაინტერესებულ ვიზიტორს საშუალება აქვს, საქართველოში სათავგადასავლო ტურიზმის პოტენციალის შესახებ ინფორმაცია მიიღოს.

ვებგვერდზე საქალაქთაშორისო ტრანსპორტის ერთიანი ბაზა მოეწყო. ვიზიტორს შეუძლია სასურველი მარშრუტი აირჩიოს და მოგზაურობა რკინიგზით, ავტობუსით, სამარშრუტო ტაქსით და სხვა ტრანსპორტით დაგეგმოს.

ახალი ტურისტულ პორტალზე ატვირთულია ტურისტულად საინტერესო ღონისძიებების კალენდარი საქართველოს მასშტაბით. ამ მიზნით ტურიზმის ეროვნული ადმინისტრაცია აქტიურად თანამშრომლობს როგორც კერძო სექტორთან, ასევე სხვადასხვა უწყებებთან.

ვებგვერდი სრულად ადაპტირებული შეზღუდული შესაძლებლობების მქონე პირებისთვის.

საქართველოს მთავარი ტურისტული პორტალისთვის პოზიციონირების სტრატეგია შემუშავდა, როგორც საძიებო სისტემების ოპტიმიზაციის ნაწილში, ასევე ციფრული რეკლამირების კუთხით, რაც ხელს შეუწყობს პორტალის სწორ პოზიციონირებას და მიზნობრივი ვიზიტორების მოზიდვას განაპირობებს.

ვებგვერდზე სრულყოფილი ინფორმაციის განთავსების მიზნით ტურიზმის ეროვნული ადმინისტრაცია თანამშრომლობს საერთაშორისო პლატფორმებთან: Booking, Tripadisor, Wikiloc და სხვა.

საქართველოს მთავარ ტურისტულ პორტალს 200-მდე ქვეყნიდან, 18 მილიონამდე უნიკალური ვიზიტორი უკვე ეწვია.

მთავარი ტურისტული პორტალი georgia.travel პარტნიორი კომპანიების დახმარებით შემუშავდა, რომლებიც არიან: მკტ მენტორი, კლიპარტი, არტმედია და სხვა“, - აღნიშნულია გავრცელებულ ინფორმაციაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!