გიორგი ვაშაძე - ქვეყნის საგარეო კურსის ცვლილების გამო „ქართული ოცნება“ რუსეთის ფედერაციისგან უვიზო მიმოსვლით დასაჩუქრდა - ეს არის პირდაპირი მტკიცებულება იმისა, რომ „ქართული ოცნება“ შეკრულია მტერთან

ქვეყნის საგარეო კურსის ცვლილების გამო „ქართული ოცნება“ რუსეთის ფედერაციისგან უვიზო მიმოსვლით დასაჩუქრდა - ეს არის პირდაპირი მტკიცებულება იმისა, რომ „ქართული ოცნება“ არის პრორუსული ძალა და მოქმედებენ სინერგიაში რუსეთის ხელისუფლებასთან ერთად, - აღნიშნული განცხადება პარლამენტში „სტრატეგია აღმაშენებლის“ ლიდერმა გიორგი ვაშაძემ გააკეთა.

მისივე თქმით, მოსკოვში მიღებული გადაწყვეტილება არის პირდაპირი პროვოკაცია საქართველოსთვის დეკემბერში კანდიდატის სტატუსის მიღების წინ.

„რუსეთის ფედერაციამ 2001 წელს, ჯერ კიდევ შევარდნაძის ხელისუფლების პერიოდში საქართველოს მოქალაქეებს სასჯელის სახით სავიზო რეჟიმი დაუწესა. ამის მთავარი მიზეზი იყო ის, რომ საქართველომ და ქართველმა ხალხმა აირჩია ევროპაში ინტეგრაციის გზა, როგორც საგარეო კურსი და ვექტორი. საქართველოს მაშინდელი ხელისუფლების ცალსახა მიზანი ნატო და ევროკავშირი გახდა. სწორედ ამის საპირწონედ რუსეთმა საქართველოს მოქალაქეებს სასჯელის სახით სავიზო რეჟიმი დაგვიწესა. რა ხდება დღეს - „ქართულმა ოცნებამ“ პროდასავლური კურსი პრორუსული კურსით შეცვალა და პუტინისგან საჩუქრად რუსეთის ფედერაციასთან უვიზო მიმოსვლა მიიღო. ეს არის პირდაპირი მტკიცებულება იმისა, რომ „ქართული ოცნება“ შეკრულია მტერთან“, - განაცხადა გიორგი ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი