ქართულ-ამერიკული აკადემია "პროგრესი" გაეროს მოდელირებულ კონფერენციას მასპინძლობს
ქართულ-ამერიკული აკადემია "პროგრესი" გაეროს მოდელირებულ კონფერენციას მასპინძლობს.
ქართულ-ამერიკული აკადემია „პროგრესის" ინფორმაციით, წელს პირველად, სკოლა "პროგრესის" ორგანიზებით გაეროს მოდელირებული კონფერენცია თემაზე - "კლიმატის ცვლილება და ენერგორესურსები“ ჩატარდება. სამუშაო შეხვედრას "პროგრესის" სამივე ფილიალის მოსწავლეები დაესწრებიან.
„გაეროს მოდელირებული კონფერენცია გაერთიანებული ერების ორგანიზაციის საქმიანობის ზუსტი სიმულაციაა. მასში მონაწილეობის დროს მოსწავლეები თავად ხდებიან ისეთი პროცესების მონაწილეები, რომელიც საერთაშორისო დიპლომატიაში გლობალური მნიშვნელობის საკითხების გადაწყვეტას გულისხმობს.
ყოველწლიურ კონფერენციაში მონაწილეობის მიღების შესაძლებლობა, როგორც საქართველოს, ასევე, მსოფლიოს სხვა ქვეყნების მოსწავლეებს ექნებათ.
კონფერენცია "გაეროს ასოციაცია საქართველოსთან" თანამშრომლობით ტარდება.
პროგრესის სამივე ფილიალში (თბილისი, ქუთაისი, ბათუმი) უკვე რამდენიმე თვეა, აქტიურად ფუნქციონირებს გაეროს სწავლების კლუბები. კლუბის წევრობა მოსწავლეს ანიჭებს უპირატესობას დაესწროს და მონაწილეობა მიიღოს მსოფლიოს მასშტაბით დაგეგმილ სხვადასხვა კონფერენციებში“, - ნათქვამია გავრცელებულ ინფორმაციაში.
v-if="article.gallery" v-html="article.gallery"
