პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ „პერსონალურ მონაცემთა დაცვის შესახებ" კანონპროექტის თაობაზე შეხვედრა გამართა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შეხვედრაზე ხაზი გაესვა კანონპროექტში არსებულ სიახლეებს, რომელიც პერსონალურ მონაცემთა დაცვის სფეროს განვითარებას უკავშირდება. ამავდროულად, აღინიშნა, რომ პერსონალურ მონაცემთა დაცვის მარეგულირებელი წესები შესაბამისობაში უნდა იყოს ევროკავშირის მონაცემთა დაცვის რეგულაციასთან.

შეხვედრას კერძო სექტორის სხვადასხვა ორგანიზაციის წარმომადგენლები ესწრებოდნენ.

მიხეილ სარჯველაძემ შეხვედრის მონაწილე პირების მხრიდან დამატებითი რეკომენდაციების ანალიზისა და განხილვის თაობაზე მზადყოფნა გამოთქვა.