იენს სტოლტენბერგი - პეკინი ყურადღებით აკვირდება იმას, თუ რა ხდება უკრაინაში - იმას რაც უკრაინაში ხდება, მნიშვნელობა აქვს გათვლებისთვის ტაივანთან მიმართებაში
უკრაინაში რუსეთის წარმატებები და დანაკარგები ჩინეთის ტაივანთან დაკავშირებულ გათვლებზე მოქმედებს. ამის შესახებ ნატოს გენერალურმა მდივანმა იენს სტოლტენბერგმა CNN-თან კომენტარში განაცხადა.
“იმას, რაც ევროპაში ხდება, მნიშვნელობა აქვს აზიისთვის, ხოლო იმას, რაც აზიაში ხდება, მნიშვნელობა აქვს ევროპისთვის”, - განაცხადა სტოლტენბერგმა.
ალიანსის გენერალური მდივნის თქმით, “უსაფრთხოებას გლობალური ხასიათი აქვს.”
“პეკინი ყურადღებით აკვირდება იმას, თუ რა ხდება უკრაინაში, [აკვირდება] იმ ფასს, რომელსაც პრეზიდენტი პუტინი იხდის, ასევე პოტენციალურ მოგებებს. ამიტომ იმას, რაც უკრაინაში ხდება, რეალურად მნიშვნელობა აქვს ჩინეთის გათვლებისთვის, მაგალითად, ტაივანთან მიმართებაში”, - განაცხადა სტოლტენბერგმა.
