საქართველოს საკონსტიტუციო სასამართლოსა და ივანე ჯავახიშვილის სახელობის თბილისის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა

საქართველოს საკონსტიტუციო სასამართლოსა და ივანე ჯავახიშვილის სახელობის თბილისის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა, რომელსაც ხელი მოაწერეს საკონსტიტუციო სასამართლოს თავმჯდომარემ, პროფესორმა მერაბ ტურავამ და თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ. ამის შესახებ ინფორმაციას საქართველოს საკონსტიტუციო სასამართლოს პრესსამსახური ავრცელებს.

მათივე ცნობით, მემორანდუმის მიზანია ხელი შეუწყოს საკონსტიტუციო სასამართლოსა და თბილისის სახელმწიფო უნივერსიტეტს შორის აკადემიური, საგანმანათლებლო და კვლევითი მიმართულებით მყარი თანამშრომლობის პლატფორმის ჩამოყალიბებას.

„მემორანდუმის ფარგლებში განხორციელება ერთობლივი პროექტები, რაც მოიაზრებს საგამომცემლო საქმიანობის წარმოებას, საკონსტიტუციო სასამართლოს სამართლებრივი ჟურნალის გამოცემას; ასევე, ერთობლივი კონფერენციების, საჯარო ლექციების, სემინარების დაგეგმვას, საკონსტიტუციო სასამართლოში სტუდენტების ვიზიტების განხორციელებასა და იმიტირებული სასამართლო პროცესების მხარდაჭერას. გარდა ამისა, იგეგმება ყოველწლიური საგანმანათლებლო სკოლების ორგანიზება.

მემორანდუმის ხელმოწერის ცერემონიას ესწრებოდნენ საკონსტიტუციო სასამართლოს მოსამართლეები: გიორგი თევდორაშვილი და გიორგი კვერენჩხილაძე. ასევე, თბილისის სახელმწიფო უნივერსიტეტის იურიდიული ფაკულტეტის პროფესორ-მასწავლებლები”, - ნათქვამია ინფორმაციაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო