არასტაბილურობა რეგიონში გავლენას ახდენს საინვესტიციო კლიმატზე. CAREC-ის მხრიდან, ჩვენ ვცდილობთ გავაძლიეროთ რეგიონული თანამშრომლობა.

ამის შესახებ აზიის განვითარების ბანკის ცენტრალური და დასავლეთ აზიის დეპარტამენტის რეგიონული თანამშრომლობის და ოპერაციების კოორდინაციის დირექტორმა ლიაზიზა საბიროვა განუცხადა „ინტერპრესნიუსს“ შეკითხვაზე, თუ როგორ უწყობს ხელს CAREC-ის პროგრამა გეოპოლიტიკური კონფლიქტების ეკონომიკური შედეგების აღმოფხვრაში?

„ჩვენ გვჯერა, რომ ახლა არის რეგიონულ თანამშრომლობის დრო. ქვეყნებმა უნდა გააძლიერონ ეკონომიკური კავშირები ერთმანეთთან, რადგან მხოლოდ ერთად შეგვიძლია მათი უკეთ გამოყენება გარე გამოწვევების და შოკების დასაძლევად. მიუხედავად იმისა, რომ შარშან ეფექტი ეკონომიკაზე უფრო მეტად დადებითი იყო, ჩვენ არ ვიცით რამდენ ხანს გაგრძელდება ეს.

გრძელვადიან პერსპექტივაში, ყველა - ADB, ყველა ჩვენი ეკონომისტი, თქვენი ეკონომისტები, ხაზს უსვამენ არასტაბილურობას რეგიონში, რაც, რა თქმა უნდა, გავლენას ახდენს საინვესტიციო კლიმატზე და უცხოური კომპანიების საინვესტიციო გადაწყვეტილებებზე. ჩვენ აქტიურად ვმუშაობთ ეკონომიკის გაფართოებაზე, რეგიონული თანამშრომლობის ყველა ფუნდამენტზე. ასე რომ, CAREC-ის მხრიდან, ჩვენ ვცდილობთ გავაძლიეროთ რეგიონული თანამშრომლობა. ამიტომ ვეძებთ ყველანაირ გზებს, თუ როგორ შეგვიძლია დავეხმაროთ ქვეყნებს,უფრო ეფექტურები იყვნენ კავშირების დამყარების თვალსაზრისით“ - განაცხადა ლიაზიზა საბიროვამ.