პაკისტანის ყოფილი პრემიერ-მინისტრის, იმრან ხანის დაკავებას მთელი ქვეყნის მასშტაბით საპროტესტო აქციები და შეტაკებები მოჰყვა.

BBC-ის ინფორმაციით, დაპირისპირებას სულ მცირე რვა ადამიანი ემსხვერპლა, ათობით კი დაშავდა. დემონსტრაციაში მონაწილეობის გამო ქვეყანაში 1 400-ზე მეტი აქტივისტი დააკავეს.

პაკისტანის ანტიკორუფციულმა სააგენტომ ყოფილი პრემიერ-მინისტრი იმრან ხანი კორუფციის ბრალდებით ისლამაბადის უმაღლეს სასამართლოში დააკავა. თავად იმრან ხანი კანონის დარღვევას უარყოფს და საქმეს პოლიტიკურად მოტივირებულს უწოდებს.