გიგა ბოკერია - თუ რუსეთთან პირდაპირი ფრენების აღდგენის გამო საქართველო დასანქცირდება, ამას უნდა მოჰყვეს საზოგადოების რეაქცია

თუ რუსეთთან პირდაპირი ფრენების აღდგენის გამო საქართველო დასანქცირდება, ამას უნდა მოჰყვეს საზოგადოების რეაქცია,- ასე გამოეხმაურა „ევროპული საქართველოს“ თავმჯდომარე, გიგა ბოკერია აშშ-ს სახელმწიფო დეპარტამენტის პრესსპიკერის მოადგილის განცხადებას, რომლის თანახმადაც, რუსეთ-საქართველოს შორის პირდაპირი ფრენების აღდგენის შემთხვევაში, „კომპანიები საქართველოს აეროპორტებში შესაძლოა, დასანქცირების რისკის ქვეშ დადგნენ“.

როგორც გიგა ბოკერიამ აღნიშნა, ეს არის კიდევ ერთი მაგალითი იმისა, თუ რამხელა ზიანს აყენებს საქართველოს მმართველი პარტია ვიდრე ის ხელისუფლებაშია.

მისი თქმით, „ქართული ოცნების“ წარმომადგენლების განცხადებები და განწყობა, მათი გადადგმული, თუ არგადადგმული ნაბიჯები, ყველაფერი ერთად უწყობს ხელს საქართველოს იზოლაციას დასავლეთისგან და დაუცველად დატოვებას რუსული საფრთხის წინაშე.

„ეს ადამიანები, ივანიშვილის და მისი არარაოებების გარემოცვა, თითქოს, მშვიდობის დროშის დაცვის ქვეშ, რეალურად რუსული აგრესიის საფრთხეს გვიზრდის. ისეთი რეპუტაცია აქვთ და ისეთი განცხადებები გააკეთეს, ამ ფონზეც კი, რომ განიხილება საქართველოში თბილისის აეროპორტის სანქცირების საკითხი.

ეს არის ამ მავნებლობის პირდაპირი მტკიცებულება. თუ საქმე აქამდე მივიდა, ამას უნდა მოჰყვეს საზოგადოების რეაქცია და მოჰყვება კიდეც, დარწმუნებული ვარ. საბოლოო ჯამში, ეს ყველაფერი ამ რეჟიმის დემოკრატიული ცვლილებით უნდა დამთავრდეს, მაგრამ სანამ ცვლილება მოხდება, ეს იმხელა დარტყმაა, თუ აქამდე მივიდა საქმე, რომ ამას არ გაატარებს საქართველოს საზოგადოება“ - თქვა გიგა ბოკერიამ.

გიგა ბოკერიას განცხადებას „ევროპული საქართველო“ ავრცელებს.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას