იუსტიციის მინისტრი - ნებისმიერი საკითხი და სიტყვა იმის შესახებ, რომ თითქოს მიხეილ სააკაშვილთან ვინმეს არ უშვებენ, წმინდა წყლის ტყუილია

ნებისმიერი საკითხი და სიტყვა იმის შესახებ, რომ თითქოს მიხეილ სააკაშვილთან ვინმეს არ უშვებენ, წმინდა წყლის ტყუილია, - ამის შესახებ იუსტიციის მინისტრმა რატი ბრეგაძემ დასმული კითხვის საპასუხოდ განაცხადა.

როგორც მინისტრმა აღნიშნა, საქართველოს მესამე პრეზიდენტ, მიხეილ სააკაშვილთან ექიმების დაშვების თაობაზე ოჯახს დღემდე არ წარმოუდგენია შესაბამისი ფორმით დაწერილი განცხადება.

„რაც შეეხება პოლონელ ექიმებს, გასული წლის 29 ნოემბერს გავაკეთე განცხადება და მიხეილ სააკაშვილს შევთავაზეთ, რომ ჩამოეყვანათ მისთვის სასურველი ნებისმიერ უცხოელი ექიმი ნებისმიერი უცხოური კლინიკიდან. მათ ამ უფლებით არ უსარგებლიათ.

შემდგომში მოგვმართეს ისეთი განცხადებით, რომელიც არ იყო შესაბამისი ფორმით დაწერილი. იმისთვის, რომ მიხეილ სააკაშვილთან შევიდეს პოლონელი თუ სხვა სახელმწიფოს მოქალაქე ექიმი, მას ჩვენგან ნებართვა სჭირდება.

იმისთვის, რომ ჩვენ გავცეთ ნებართვა, როდესაც მსჯავრდებული უშუალოდ მოგვმართავს მასთან შევიდეს ესა თუ ის ექიმი და მონაწილეობა მიიღოს მის მკურნალობაში, დადასტურებული უნდა იყოს, რომ ეს ადამიანი ნამდვილად ექიმია და შესაბამისი ლიცენზია სჭირდება. ჩვენ ამის შესახებ მრავალი თვეა ვეუბნებით, რომ წარმოადგინონ. წერილობითაც მივმართეთ გიული ალასანიას, ჩვენი წარმომადგენელი ტელეფონით ესაუბრა, ორჯერ იყო ეს კომუნიკაცია, მაგრამ დღემდე არ წარმოუდგენიათ შესაბამისი ფორმით განცხადება. ჩვენ ვთქვით, რომ როდესაც წარმოადგენენ ჩვენ დაჩქარებულ რეჟიმში განვიხილავთ განცხადებას. მათ არ მოუთხოვიათ შესაბამისი ფორმით, შესაბამისად ნებისმიერი საკითხი და სიტყვა იმის შესახებ, რომ თითქოს მიხეილ სააკაშვილთან ვინმეს არ უშვებენ, წმინდა წყლის ტყუილია ისევე, როგორც მთელი მიმდინარე კამპანია“,- აღნიშნა მინისტრმა.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!