„ევექსი ჰოსპიტლებმა“ 3 000 ექთნისთვის პროფესიული დღე საზეიმოდ აღნიშნა

„ევექსი ჰოსპიტლებმა“ ექთნების საერთაშორისო დღე მასშტაბურად აღნიშნა და ქსელში დასაქმებულ 3 000-მდე ექთანს პროფესიული დღე საზეიმო ვითარებაში კიდევ ერთხელ მიულოცა.

როგორც „ევექსი ჰოსპიტლების“ მიერ გავრცელებულ ინფორმაციაშია აღნიშნული, ჯანდაცვის სექტორის უმნიშვნელოვანესი რგოლის დაფასებისა და აღიარების მიზნით, კომპანია უკვე მეექვსე წელია, სხვადასხვა სახის ღონისძიებას ახორციელებს. სპეციალურად ქსელში დასაქმებული ექთნებისთვის, ყოველი წლის 12 მაისს საზეიმო საღამო იმართება.

„ევექსი ჰოსპიტლები“ არის პირველი სამედიცინო კომპანია ქვეყანაში, რომელმაც პროფესიული განათლების კუთხით მნიშვნელოვანი ღონისძიებების გატარება ჯერ კიდევ 2013 წლიდან დაიწყო. ხორციელდება უწყვეტი სამედიცინო განათლების პროგრამები, რაც ქსელში დასაქმებული ექთნების გადამზადებას ითვალისწინებს და მათთვის კარიერული ზრდის შესაძლებლობას ქმნის. დღემდე ბაზისურ საექთნო სწავლებაში 12 000-ზე მეტი კაც-ტრენინგია ჩატარებული და სრულად ფინანსდება სამედიცინო ქსელის მხრიდან. ერთ-ერთი ყველაზე მნიშვნელოვანი მიღწევაა ისიც, რომ ექთნებისთვის უნიკალური ქართულენოვანი პროფესიული ლიტერატურა შეიქმნა, რაც ევროპის რეკონსტრუქციისა და განვითარების ბანკის მხარდაჭერით განხორციელდა.

გარდა ამისა, წელს სრულიად ახალი სასწავლო პროგრამა დაიწყო ექთნების პროფესიული განათლების კუთხით, რომელიც მენეჯერული რგოლის ექთნების სასერტიფიკატო პროგრამას და ქსელში დასაქმებული ყველა ექთნის ეტაპობრივ გადამზადებას მოიცავს. ყველაფერი ეს, საბოლოო ჯამში, ემსახურება ჯანდაცვის სექტორის უწყვეტ გაძლიერებას ქვეყანაში.

სწორედ „უწყვეტი განათლება“ და „მუდმივი განვითარება“ იყო ის ნომინაციები, რომელში გამარჯვებულებიც საექთნო ტესტირებებში საუკეთესო შედეგების მიხედვით გამოვლინდნენ. „ლისი ივენთ ჰოლში“ გამართულ ღონისძიებაზე დაჯილდოვდნენ ასევე ექთნები „პაციენტებზე განსაკუთრებული ზრუნვისთვის“ გამარჯვებულები პაციენტების კმაყოფილების კვლევის საფუძველზე გამოვლინდნენ.

მასშტაბური საზეიმო ღონისძიება წელს მუსიკალურად გააფორმეს ლიზა ბაგრატიონმა, ნატო მეტონიძემ და ეკა დოლიძემ ბენდთან ერთად. შეირჩა განსაკუთრებული რეპერტუარი და შესრულდა სასიამოვნო მუსიკალური კომპოზიციები. ღონისძიებას ნიკოლოზ წულუკიძე წარუძღვა”, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი