გია ცაგარეიშვილი - ახლა, სავარაუდოდ, „კლანის“ ძებნას სტრასბურგის სასამართლოში დაიწყებენ - უამრავ ინსინუაციას შეთხზავენ, რომ თითქოს საქართველოს ხელისუფლება საქმეებს იქაც „აგვარებს“

ახლა, სავარაუდოდ, „კლანის" ძებნას სტრასბურგის სასამართლოში დაიწყებენ - უამრავ ინსინუაციას შეთხზავენ, რომ თითქოს საქართველოს ხელისუფლება საქმეებს იქაც „აგვარებს", - აღნიშნული განცხადება ფრაქცია "ქართული ოცნების" დეპუტატმა გია ცაგარეიშვილმა გააკეთა.

ცაგარეიშვილის თქმით, სააკაშვილის დაცვის მხარე სტრასბურგის სასამართლოში სარჩელის შეტანას "წელავდა", რადგან სარჩელი წაგებისთვის იყო განწირული.

„ყველა სპეკულაციას წერტილი უნდა დაესვას - დადგენილია უტყუარი ფაქტი, რომ მიხეილ სააკაშვილს არავინ აწამებს, არავინ მის უფლებებს არ ლახავს და არავინ ერჩის. მას ერჩის მხოლოდ ქართული მართლმსაჯულება. კანონის წინაშე ყველა თანასწორია. გამომდინარე აქედან, ის სასჯელის მოიხდის. სტრასბურგის სასამართლომ გააზრებული გადაწყვეტილება მიიღო - არც ქვეყნის ფარგლებს გარეთ და არც ქვეყნის შიგნით სხვა სამკურნალო დაწესებულებაში პატიმარი მიხეილ სააკაშვილი გადაყვანილი არ იქნება. ამით ყველაფერი უნდა დასრულდეს. თუ ამას გაიგებს "ნაციონალური მოძრაობა", მიხეილ სააკაშვილის მხარდამჭერები, პირველ რიგში, მიხეილ სააკაშვილს და მის ჯანმრთელობას წაადგება. მან თვითდაზიანების მიყენებას თავი უნდა დაანებოს, ციხის შინაგანაწესს და პატიმრობის მოხდის პირობებს დაემორჩილოს და მოიხადოს სასჯელი, რომელიც მას სამართლიანმა სასამართლომ შეუფარდა", - განაცხადა ცაგარეიშვილმა.

ინფორმაციისთვის, იუსტიციის მინისტრის რატი ბრეგაძის განცხადებით, სტრასბურგის სასამართლოს გადაწყვეტილებით, ყოფილ პრეზიდენტს მიხეილ სააკაშვილს უარი ეთქვა ვარშავაში გადაყვანაზე.

მისივე თქმით, ამავდროულად, სახელმწიფოს არ დაევალა სააკაშვილის ქვეყნის შიგნით სხვა სამკურნალო დაწესებულებაში გადაყვანა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024