რატი ბრეგაძე - სახელმწიფოს მოქმედება ყველა ეტაპზე მიხეილ სააკაშვილთან მიმართებაში იყო კორექტული და ადამიანის უფლებათა უმაღლესი სტანდარტების შესაბამისი
იუსტიციის მინისტრის, რატი ბრეგაძის განცხადებით, საქართველოს მესამე პრეზიდენტ მიხეილ სააკაშვილთან მიმართებით სახელმწიფოს მოქმედება ყველა ეტაპზე იყო კორექტული და ადამიანის უფლებათა უმაღლესი სტანდარტების შესაბამისი.
აღნიშნულის შესახებ იუსტიციის მინისტრი განცხადებას „ფეისბუქზე“ აქვეყნებს.
„დღევანდელი საქართველო არის ევროპული სახელმწიფო, რომელიც ურყევად დგას ადამიანის ღირსების და მისგან მომდინარე ადამიანის უფლებების სადარაჯოზე.
ადამიანის უფლებათა ევროპულმა სასამართლომ არ დააკმაყოფილა მსჯავრდებულ სააკაშვილის მოთხოვნა მისი საზღვარგარეთ გადაყვანის შესახებ.
სახელმწიფოს მოქმედება ყველა ეტაპზე მიხეილ სააკაშვილთან მიმართებაში იყო კორექტული და ადამიანის უფლებათა უმაღლესი სტანდარტების შესაბამისი.
ჩვენ ვზრუნავთ ადამიანის ჯანმრთელობასა და სიცოცხლეზე. სწორედ ამიტომ ვამბობთ, რომ თვითდაზიანება არ არის გამოსავალი და მოვუწოდებთ მსჯავრდებულს, დაემორჩილოს ექიმების რეკომენდაციებს“, - წერს რატი ბრეგაძე.
