რუსებმა ხმელნიცკის ოლქს დაარტყეს, დაშავებულია 5 ადამიანი
დღეს, საჰაერო განგაშის დროს, რუსულმა ძალებმა ხმელნიცკის ოლქს დრონების გამოყენებით დაარტყეს, - ინფორმაციას უკრაინული მედია ხმელნიცკის საოლქო-სამხედრო ადმინისტრაციაზე დაყრდნობით ავრცელებს.
ხმელნიცკის საოლქო-სამხედრო ადმინისტრაციის ხელმძღვანელის მოადგილის, სერგეი ტიურინის განცხადებით, თავდასხმის შედეგად მინიმუმ 5 ადამიანი დაშავდა.
„სამწუხაროდ, გვაქვს დარტყმა კრიტიკულ ინფრასტრუქტურაზე. ობიექტი მდებარეობს დასახლებების გარეთ. მოსახლეობას და საცხოვრებელ კორპუსებს პირდაპირი საფრთხე არ დამუქრებიათ, მაგრამ აფეთქების ტალღის შედეგად დაზიანდა ფანჯრები და კარები. ვრცელდება ინფორმაცია 5 დაშავებულის შესახებ“, - განაცხადა სერგეი ტიურინმა.
ცნობისთვის, დღეს დილით ოლქის ადმინისტრაციამ გაავრცელა ინფორმაცია, რომ ხმელნიცკში აფეთქებების ხმები ისმოდა.
v-if="article.gallery" v-html="article.gallery"
28.07.2025 / 17:51
28.07.2025 / 17:51
28.07.2025 / 08:50
