ისრაელმა ღაზას სექტორში ავიაიერიშები განახორციელა, რომლის სამიზნესაც „პალესტინის ისლამური ჯიჰადის“ წევრების ლიკვიდაცია წარმოადგენდა.

მედიის ინფორმაციით, კონსპირაციულ საცხოვრებელზე თავდასხმას ორგანიზაციის ერთ-ერთი ლიდერი იად ალ-ჰასანი ემსხვერპლა.

მანამდე ისრაელის ავიადარტყმებს რადიკალური დაჯგუფების კიდევ ორი მეთაური ემსხვერპლა. ბოლო პერიოდში ისრაელსა ღაზას სექტორს შორის ურთიერთობა გამწვავდა. ისრაელის სამხედრო დანაყოფებმა წელს „პალესტინის ისლამური ჯიჰადის“ ექვსი წევრი მოკლეს.